沁沁麫 (已結業)

今日放假，所以瞓到好晏先起身。起身就落街食嘢补充下能量啦！之前行过，都见到呢度有间叫做沁沁面既餐厅，但一直未有机会试，今日近近地就过嚟呢度开餐啦！餐厅唔算好大，但座位阔落，坐得舒服，仲有部大电视，好有街坊食堂既感觉。餐厅墙身贴满左唔同食物嘅相，一目了然，唔使估估下，叫送好方便，岩晒我呢啲无物想像力，要睇图既人。招牌醉鸡卷呢一个真系超级食，一定要食！首先讲个鸡卷，鸡卷扎卷成柱体，再切开，切得唔算好厚身，亦唔太薄，刚刚好。虽然系扎实、卷起啲鸡肉，但系鸡肉都仲嫩滑，唔会好鞋。因为系冻食，所以鸡皮无物油，食落爽爽地。鸡卷亦都好入味，好香花雕嘅味道，但系唔会好浓酒味，有微微地嘅甜味，味道调较得几好！呢一个真系极力推介！我相信一个人可以食到两碟！大胃王秘汁捞面佢嘅𩠌菜好多，有卤水鸡翼、大冬菇、猪扒、肠仔同埋豆卜。卤水好入味，渗入晒啲肉入面，仲有少少卤水汁俾你捞埋个面食，正！要讲下个冬菇，冬菇真系好大只，好厚身，炆得又够林，卤水味渗入晒只冬菇度，咬落去仲有少少卤水汁流出嚟，好食！食完之后饮番杯罗汉果茶作为完结，超配合今日咁冻嘅天气。饮完个人好暖，好润，喉咙好清凉。值得一提嘅系，佢呢个罗汉果茶只系需要