韓宮 (已結業)

今日同朋友嚟咗呢间位于黄埔站出口嘅韩国餐厅食饭，因为佢喺同事口中听返嚟话餐厅嘅酱油蟹好食，所以一早系 社交平台订咗位叹酱油蟹。仲未落单前侍应已经好快手送上四碟前菜。餐厅有四款套餐拣，我地叫咗牛猪烧肉Set C 餐 ($499) : 铁板放哂套餐嘅食物唔洗再逐碟上非常方便，套餐都几丰富有腌左味嘅牛肋骨、牛肉卷、五花腩、猪颈肉、香肠、茄子、雪耳、泡菜、大豆芽同埋芝士。牛肋骨好鬼正，肉质软腍牛味浓，五花腩油脂多，煎出嚟又香又脆口。酱油蟹 ($68) : 依家餐厅做紧优惠两位顾客入座，可以用优惠价 $68 蚊就食到一只 😋 酱油蟹大大只又多膏，蟹肉鲜甜入口嫩滑，将蛋黄搅匀加埋蟹膏淋上紫菜饭食好味到晕，佢同事真系冇介绍错。😍人参鸡汤 ($148) : 食完咁惹味嘅食物，所以就叫返个汤解解啲油腻感。人参鸡汤非常足料，足足有半只鸡，而且汤底仲有糯米同人参，味道清清淡淡，最后配埋白饭食一流。