麵鮮醬油房周月 (歌賦街)

营业中

休息中

呢日同女朋友去完大館同PMQ打卡，就碌落幾條街搵地方食晚飯。行到去歌賦街，係比較多餐廳嘅一條街，女朋友點指兵兵就點咗去周月試下。聽就聽得多，但食都係第一次。餐廳環境幾型格，燈光偏暗。我地一人叫左一碗麵，再交換試下。我要左周月沾麵，醬汁有得揀濃湯或者淡湯，我就梗係要濃啦。沾麵份量幾多，但整體味道一般。湯底本身比較重口味，唔關濃定淡湯事。女朋友就點左帆立貝油．麵，即係拌麵，聽落就幾特別，但實際又唔係好知乜味，撈起上黎就油左少少哈哈。另外，佢有隻蛋比你自己打落去的。女朋友最終只係食左兩啖就搶左我個沾麵食。周月唔難食既，份量夠多，但偏重口味，唔係真係吹到咁正咁解。