鄧記 (已結業)

鄧記 環境十分優雅，係閨蜜傾計好地方。而今日想重點推介蒜泥白肉🐷（$70）、香烤牛肋骨（$298）🐮同四川牛肉麵（$88）🍜。冷盤蒜泥白肉加上貓耳朵呢個配搭真係天衣無縫，白肉咬落爽口，貓耳朵食落嚼勁一流，拌上辣汁🌶非常惹味🤗牛肋骨更係出色之作，油脂與牛肉係口腔中溶化，牛味十分濃郁，令我食到停唔到！四川牛肉麵超大碗（又有朋友覺得細碗），口味接近台式紅燒牛肉麵，夾落麵條亦掛上濃郁既湯，湯底似乎係牛骨製作而成，幾道菜都盡顯心機。至於其他菜式 好似棒棒雞絲（$80）每條雞絲都掛上濃濃醬汁，非常吸引。食完d濃味野，食返呢個薑汁秋葵（$70）就最清新！