金運海鮮酒家 (已結業)

饮茶通常去集团式酒楼，今日有D唔同，被亲人带左我去一小岛～～青衣岛，一小私人屋苑～～青怡花园，一小酒楼～～金运海鲜酒家，全家酒楼大大细细唔够30张枱，做街坊生意为主，见老人家居多，食客同伙记都见相熟，唔似外边大酒楼咁有冷漠感。点心大件，但唔算抵食，鲜虾炸春卷、鸡扎都要$25，黑椒牛肚够淋，炸物如春卷、煎堆、咸水角都炸得出色；最差有两件事，1️⃣就系笼虾饺，皮厚又唔热，一落枱微温咋，块皮厚过记事薄，真系后悔无去换，2️⃣味精重，尤其鸡扎及黑椒牛肚，食完一嚿要即时飮大量茶水，仲要全个下午都口干口渴。