影片
更多
2010-10-24
386 浏览
自从转工后都好少踏足观塘一带了﹐虽然系工业区﹐但其实都有几多好野食。上星期因为应旧同事约而再重临观塘﹐今次系去饮茶﹐去左创纪之城间好彩饮。讲真呢间酒楼真系打左咁多年观塘工都未嚟过﹐因为都唔算近公司﹐但因为同事话点心唔错而约左嚟呢度。我地一行六个人﹐各自点左唔少点心﹐首先嚟左个冷盘系海蜇千层﹐一向钟意食海蜇﹐佢个千层应该系猪耳来的﹐配上好香嘅麻油同芝麻﹐凉凉地几醒胃。跟住嚟左个粉果﹐一睇就知好足料﹐多到爆开咁滞﹐皮好薄﹐一笼有三个﹐两笼就满足哂成枱人嘅胃口。加上而家啲烧卖已经唔系间间好食﹐粉果系不错的选择。个人愈大就愈喜爱怀旧﹐对食物亦然﹐ 跟住叫左笼糯米鸡，想起以前读书时一朝早食一个真系好好好满足架﹗一上枱话咁快就俾我地清哂喇﹐ 哗哈哈～再嚟就系肠粉﹗ 饮茶必叫﹗ 今次叫左虾肠同牛肉肠﹐ 虾好新鲜﹐又大大只﹐ 睇得出做得好有心机。个人认为牛肠加芫茜系绝配﹐ 一个人食一碟都唔过份呀﹗ 终于到我嘅"飞佛'出场—流沙奶皇包﹗ 呢样简直可以话系饮茶必食﹐ 一撕开两半啲半溶奶皇就流哂出嚟﹐ 差啲就流哂落只手度呀﹐好野自然唔可以等﹐即刻一口KO佢啦～跟住就系豉汁蒸凤爪﹐好好好入味﹗又够淋﹐凤爪都
上星期因为应旧同事约而再重临观塘﹐今次系去饮茶﹐去左创纪之城间好彩饮。
讲真呢间酒楼真系打左咁多年观塘工都未嚟过﹐因为都唔算近公司﹐但因为同事话点心唔错而约左嚟呢度。
我地一行六个人﹐各自点左唔少点心﹐首先嚟左个冷盘系海蜇千层﹐一向钟意食海蜇﹐佢个千层应该系猪耳来的﹐配上好香嘅麻油同芝麻﹐凉凉地几醒胃。
跟住嚟左个粉果﹐一睇就知好足料﹐多到爆开咁滞﹐皮好薄﹐一笼有三个﹐两笼就满足哂成枱人嘅胃口。加上而家啲烧卖已经唔系间间好食﹐粉果系不错的选择。
个人愈大就愈喜爱怀旧﹐对食物亦然﹐ 跟住叫左笼糯米鸡，想起以前读书时一朝早食一个真系好好好满足架﹗
一上枱话咁快就俾我地清哂喇﹐ 哗哈哈～
再嚟就系肠粉﹗ 饮茶必叫﹗ 今次叫左虾肠同牛肉肠﹐ 虾好新鲜﹐又大大只﹐ 睇得出做得好有心机。个人认为牛肠加芫茜系绝配﹐ 一个人食一碟都唔过份呀﹗
终于到我嘅"飞佛'出场—流沙奶皇包﹗ 呢样简直可以话系饮茶必食﹐ 一撕开两半啲半溶奶皇就流哂出嚟﹐ 差啲就流哂落只手度呀﹐好野自然唔可以等﹐即刻一口KO佢啦～
跟住就系豉汁蒸凤爪﹐好好好入味﹗又够淋﹐凤爪都大只﹐都系啲传统食物最好食。
食多碗茶楼嘅红豆沙﹐至令今餐划上完美句号。
虽然已同呢班旧同事少见左好多﹐但一餐简单嘅饭系会令人更珍惜相处嘅缘份。
张贴
