影片
更多
2022-12-05
641 浏览
星期五晚想食印度嘢，心血来潮一闯重庆大厦😆。不过我哋事前当然做足功课，上网揾定食边间，见到「珍珠皇宫印度餐厅」订枱有85折就试吓。一踏入大厦，就有一众印度餐厅嘅宣传单张递到面前🙈，好彩见到珍珠皇宫嘅代表，然后就跟随佢上一楼。餐厅环境干净整齐，并无一大浸味，另外仲有得睇世界杯添，哈哈。店员们几亲切，而且好似识用广东话沟通👍。餐牌设计图文并茂，最重要系有中文，咁就唔使查字典或者求其拣。Tandoori Platter混合肉烧烤拼盘($178)，印度烧烤出名香口，用铁板盛上，热辣辣🔥。拼盘蕴含四款肉，包括印度烧鸡、免治羊肉卷、烤鱼块同埋乳酪腰果汁烧鸡，每款各两件。🍗烧鸡有两款口味，一浓一淡，我钟意乳酪汁𠮶款多啲，大大啖肉。🐟烤鱼块蘸上黄椒粉，鱼肉满有弹性。羊肉卷用免治肉整成，富香料味，羊膻味适中。Butter Chicken牛油烤鸡($108)，🥘呢款咖喱汁好惹味，并混入蕃茄同乳酪，辣度温和兼唔会太重口味。但如果钟意食辣，就应该要拣第款喇。🐔无骨鸡件约有十嚿，肉质细嫩，同烧鸡唔同，系另一番风味。Palak Paneer芝士菠菜($88)，我并唔系第一次食呢道菜式，不过餐厅嘅出品令人印象深刻，
星期五晚想食印度嘢，心血来潮一闯重庆大厦😆。不过我哋事前当然做足功课，上网揾定食边间，见到「珍珠皇宫印度餐厅」订枱有85折就试吓。一踏入大厦，就有一众印度餐厅嘅宣传单张递到面前🙈，好彩见到珍珠皇宫嘅代表，然后就跟随佢上一楼。
餐厅环境干净整齐，并无一大浸味，另外仲有得睇世界杯添，哈哈。店员们几亲切，而且好似识用广东话沟通👍。餐牌设计图文并茂，最重要系有中文，咁就唔使查字典或者求其拣。
混合肉烧烤拼盘
$178
19 浏览
0 赞好
0 留言
Tandoori Platter混合肉烧烤拼盘($178)，印度烧烤出名香口，用铁板盛上，热辣辣🔥。拼盘蕴含四款肉，包括印度烧鸡、免治羊肉卷、烤鱼块同埋乳酪腰果汁烧鸡，每款各两件。🍗烧鸡有两款口味，一浓一淡，我钟意乳酪汁𠮶款多啲，大大啖肉。🐟烤鱼块蘸上黄椒粉，鱼肉满有弹性。羊肉卷用免治肉整成，富香料味，羊膻味适中。
牛油烤鸡
$108
9 浏览
0 赞好
0 留言
芝士菠菜
$88
22 浏览
0 赞好
0 留言
Bread Basket杂锦薄饼($65)，🫓薄饼篮有七至八块Naan，拎上手暖笠笠，未食都知质感软熟。薄饼款式有两至三款，我估计应该有原味同蒜蓉，但始终估估下，所以我建议散嗌两份，咁就可以食到心仪嘅款式！
Kesar Kulf印度番红花杏仁雪糕($55)，店员留意住我哋几时食完主菜，就主动适时送上甜品。🍨印度雪糕口感偏淋，冰感一般。佢系由炼奶整成，所以甜甜的🥛，带点杏仁香，都OK。番红花味道唔出，但就化身成天然嘅食用色素作点缀。
玫瑰奶昔
$38
11 浏览
0 赞好
0 留言
总括嚟讲，重庆大厦入面嘅珍珠皇宫好高质🌟，无论食物味道、定价、环境定服务都令人满意。如果想试吓正宗嘅印度菜🇮🇳，不妨帮衬呢度啊！
张贴
