影片
更多
2022-11-21
1544 浏览
数一数，原来好耐无食过印度菜喇，睇番啲食评，已经超过年半有多，同个老友倾开，佢都好有兴趣食番餐印度茶。晌网上查一查，揾到位处「重庆大厦」嘅「珍珠皇宫印度餐厅」，有别要搭电梯上楼，行一层楼梯就到，较为方便。 晌门口，放咗啲易拉架，原来连Error、乔宝宝都帮衬过。而入到餐厅内，环境比较幽暗，一室以红为主调，全喺皮梳化櫈，坐得舒服，我哋被安排坐晌餐厅尾，原来侧旁仲有个厢房。初时，谂住会喺其他亚洲人多，点知意外地本地人先喺占多数。 扫一扫餐牌有咩选择，菜式分门别类，有晒中英对照，由头盘、小食、汤品、天多尼烧烤、印式咖喱、素食、饭品、印度烤饼、沙律、炒菜、乳酪……等等，以及各式饮品，选择甚多。 芒果奶昔 $38基本上嚟亲印度餐厅，都几乎会一定叫呢一款印度特色乳酪饮品（Lassi），芒果口味喺小弟「飞弗」。入口口感细滑，芒果味好浓郁，乳酪带出嘅酸味唔太酸，反而有少堂醒胃感，跟芒果嘅清甜味好平衡；单单喺乳酪同芒果打成，所以，饮到尾，味道跟质感都无走样，坚真材实料。 印度奶茶 $25老友本身好钟意饮奶茶（其实小弟都喺），就拣印度嘅奶茶，佢话跟港式嘅有少少相似，茶味比较浓香，口感都幼滑，但比起港式嘅
晌门口，放咗啲易拉架，原来连Error、乔宝宝都帮衬过。而入到餐厅内，环境比较幽暗，一室以红为主调，全喺皮梳化櫈，坐得舒服，我哋被安排坐晌餐厅尾，原来侧旁仲有个厢房。初时，谂住会喺其他亚洲人多，点知意外地本地人先喺占多数。
扫一扫餐牌有咩选择，菜式分门别类，有晒中英对照，由头盘、小食、汤品、天多尼烧烤、印式咖喱、素食、饭品、印度烤饼、沙律、炒菜、乳酪……等等，以及各式饮品，选择甚多。
芒果奶昔 $38基本上嚟亲印度餐厅，都几乎会一定叫呢一款印度特色乳酪饮品（Lassi），芒果口味喺小弟「飞弗」。入口口感细滑，芒果味好浓郁，乳酪带出嘅酸味唔太酸，反而有少堂醒胃感，跟芒果嘅清甜味好平衡；单单喺乳酪同芒果打成，所以，饮到尾，味道跟质感都无走样，坚真材实料。
芒果奶昔
$38
14 浏览
0 赞好
0 留言
老友本身好钟意饮奶茶（其实小弟都喺），就拣印度嘅奶茶，佢话跟港式嘅有少少相似，茶味比较浓香，口感都幼滑，但比起港式嘅奶味就偏重少少。
混合肉烧烤拼盘 $178一向都几钟意天多尼，尤其烤鸡，今次一眼就睇中呢款「混合烧烤」，因为既食到天多尼风味，又可以一次过试到几款食物：印度烧鸡、免治羊肉卷、烤鱼块和乳酪腰果汁烧鸡，最好喺样样两件，同老友「些牙」就啱啱好。而以铁板上枱，滋滋声，热力四射，够晒热焫焫，仲伴以洋葱同啲椰菜丝！
混合肉烧烤拼盘
$178
4 浏览
0 赞好
0 留言
大大件嘅烤鱼块，切得几厚身，落刀感觉到肉质比较挺实啲，入口带少少香料味，但仍然食到鱼鲜味。
乳酪腰果汁烧鸡外表较白，加上灯光，跟啲鱼块好易认错。因为以乳酪腰果汁腌过，味道带微微酸香，肉质都颇为嫩滑，感觉几特别。
印度烧鸡讲到天多尼，就不得不提印度烤鸡，混入多种香料去烤，真喺宁舍好食，特别惹味，又唧咗少少柠汁上去，更感清新不腻。
免治羊肉卷羊肉卷做成肠形，加上搓得扎实，唔会一夹就散开。好有羊肉香，却唔会话好膻，相信对大部份都应该易接受，而质感真喺几唔错。
椰汁忌廉煮虾 $138因为拣咗个混合肉拼盘，所以，另一款心水就拣咗厨师推介中嘅煮虾，加上呢款菜式写明多汁，用嚟配印度烤饼就夹晒。上枱时，果然多汁，成碗餐汤咁，其实，里面有唔少虾仁，虾仁食落好爽口，而个汁底本身喺咖喱味，但就渗出浓郁嘅椰汁香，揾啲烤饼衬嚟食，真喺一流。
干果果仁蓉烤饼 $38平常食嘅都喺原味、蒜蓉或芝士，今次拣款未食过嘅干果果仁蓉，烤饼都喺即叫即做，而啲烤饼上枱时都专登反起少少，等你睇到里面铺咗唔少果仁蓉。烘得几好，柔韧有咬口，加上果但蓉，多一重滋味，沾埋啲椰汁咖喱，正到痹啦。
干果果仁蓉烤饼
$38
5 浏览
0 赞好
0 留言
今餐印度菜同老友都觉得好满意，基本上，花费唔喺好多，就试到好多款式嘅食物。怪唔之得都多本地人帮衬。
张贴
