拉麵天王

营业中

休息中

好耐之前喺元朗食过一次觉得非常之正，但系再去佢已经执咗。点知原来佢喺红磡再开番，所以我即刻走去试一试，睇吓有冇走到样。佢同旧舖一样都系得四款拉面可以拣——就系四大天王。我就拣咗一个赤天王试吓。饮咗一啖汤已经知道佢哋嘅水准仍然keep到。因为我拣咗少辣，所以唔会话辣到完全饮唔到汤嘅味道。佢除咗辣味，仲有阵阵猪骨汤香味，层次丰富。面质软硬适中，而且挂汤能力亦都非常之好。另外一样野我好钟意嘅就系佢个豚角煮，做得非常之稔同埋入味，好好食。整体来讲质素同我当年食嘅一模一样，各方面都处理得唔错，值得推介。lunch时间都几多人食，要食嘅话唔建议lunch时间去。