麥芝連餅店

营业中

休息中

呢间舖头开舖无耐，我就买左个蛋糕庆祝老公生日，食过返寻味，之后我屋企的蛋糕都系订呢一间！佢地有现做现卖的生日蛋糕，记得第一次尝试系老公生日，正谂紧买咩蛋糕好，咁啱经过呢间新舖，见到有抺茶红豆蛋糕几特别，离屋企又近近地就买黎试下，半磅蛋糕竟然一百蚊有找！结果一食之下，全家人都大赞好食！个蛋糕底非常松软，啲抺茶cream 一啲都唔漏，仲有灯笼果同士多啤梨系上面，好好食！红豆馅非常足料，上面同中间都有一层厚红豆粒，谂起都回味无穷！之后仲试左佢地个粉红色士多啤梨蛋糕，卖相很吸引，味道当然系一样咁赞！今次我小朋友生日，已经系第3次食佢地的蛋糕，我订左个Elsa公仔蛋糕，出面闲闲地都四五百蚊个，呢间$298已经有个，做工仲好靓！个包装系全透明胶盒，一路攞返屋企，沿途啲人系咁望住，有种羡慕的目光！返到屋企，小朋友一见到好钟意，全家都食得好开心！蛋糕上面除了水果外，还有粒好好味的马卡龙！一粒当然唔系好够，我见佢有一盒盒的马卡龙卖，下次要买一盒成家好好分享。至于个蛋糕味道就当然系一样咁新鲜，咁好食！推介推介！！