Outback Steakhouse (德福廣場2期) (已結業)

秋高气爽的重阳节假期，我地偏偏选择去海滩而唔咪登高，无他嘅，因为放假就是任性啰。下海之前，我地先去德福食饱饱先，拣左好Outback，呢度嘅儿童餐牌既系餐牌又可以比小朋友用黎填颜色，十分贴心。我地叫左柚子大虾沙律，安格斯牛扒同埋烧烤味猪肋骨，仲有炸蘑菇添！黎到Outback紧系要食老婆至爱的黑糖包，真系大人细路都岩食！先讲个Crispy Fried Mushrooms，细细粒蘑菇仔上薄薄脆浆然后炸至金黄色，外面热腾腾里面仲系好多汁，点埋个Ranch dressing味道更正，用黎点薯条亦非常美味！至于个安格斯肉眼扒叫左Medium，中间仲好Juicy有肉味，不愧为大众扒房！而烧烤味猪肋骨好惹味，而且份量十足！最惊喜系柚子甜虾沙律，柚子好清新，虾大只够弹牙唔在讲，最特别系塾底有大大块脆饼，用叉压碎佢就变成一块块金黄脆脆，沟埋沙律食冇咁斋之余好味过面包糠多多声！食完大餐拿拿临出车去西贡清水湾，可惜天气不似预期，唯有来也勿勿去也勿勿地离开清水湾第二滩了。