新明苑園林海鮮酒家

营业中

休息中

早前听朋友讲话喺元朗锦绣大道有间酒家叫「新明苑园林海鲜酒家」有道招牌菜非常好食同出名，所以我们今日下午就特意去饮个下午茶！一去到见到门口有超多人排队等位饮茶，我们都等咗一段时间先有位，心谂咁多人都嚟帮衬，啲食物出品都应该几好！一坐低我们分别叫咗一啲点心同朋友重点推介嘅鲜菠萝咕噜肉，等咗一阵我们充满期待嘅鲜菠萝咕噜肉终于嚟喇！一上碟店员就同我们讲话啲菠萝系新鲜即开，他们绝对唔会选用罐头菠萝，所以食落特别清甜，卖相亦十分吸引，食第一啖咕噜肉就已经令我们觉得相当兴奋，因外层炸得极之酥脆薄身，唔会系厚厚嘅炸粉，肉质非常松化软滑，酱汁嘅酸甜度亦调教得恰到好处，唔会过甜或过酸，值得一赞！但最令我们更加赞赏嘅系，我们同朋友闲聊咗一阵同分别食吓其他点心，都差唔多有一个钟多啲，本来以为啲咕噜肉嘅外层会变到谂晒，点知一咬落去都仲系咁松脆，真系令我们觉得惊喜万分，而且本人系超级钟意食咕噜肉，所以就更加觉得满意，而且份量十足，系本人重点必食推介！