兩三碗餃子

营业中

休息中

一路想试呢间舖好耐，上网睇餐牌款色多价钱唔贵！可惜今次去咗一次应该唔会再敢食，食到咁上下同行友人话：「哗，咩黎架？」我一望过去隔离，好大只曱甴系佢条颈度，系喺皮肤上面行🥹🥹🥹🥹转过头已经飞咗黎我心口！个吓惊谎已经难以用笔墨形容，我应该好克制咁嗌同拨佢落地店员即刻帮手捉走曱甴，但怀疑佢只系睇到曱甴系地，到我比钱讲好大只曱甴爬上我地身上佢先知道🥹公道讲句净系讲野食系唔错，蒜片牛柳粒好食，蕃茄薯仔汤都好饮（羊肉饺同芝士泡菜麻麻）。明白食肆始终难避免有曱甴，但成件事过于惊吓，从天而降大曱甴，仲要上埋心口同颈🤯🤯同埋事后店员无任何反应，唔肯定反应唔黎定点，希望呢方面可以人性啲起码都讲吓唔好意思🥹对面后生女见到都极惊，睇到画面应该好震撼🤯如果唔系有人一齐食，得自己一个遇曱甴上身我应该喊住走。