陳師傅自製點心專門店

营业中

休息中

排队情况：星期六中午十二点几入座，唔需要等位。但过多咗两三个字就见出面要等。但今日两人就要搭枱，唔舒服，枱都唔够大仲要搭台，张台同时只可以摆到3碟野食，多啲都随时跌落地，蒸笼仲要栋住黎摆。饮茶最重要系个茶，真系好唔掂，无茶香另有啲怪味，怀疑系佢地个茶袋问题，第二次加水饮落仲有啲锈味。仲要茶壶个嘴崩晒有啲渍，已经觉得唔太卫生。就连肠粉只碟都崩嘅。食物质素：一般至低。如果真系要食，个人觉得百花酿鱼肚几juicy，豆苗饺入面啲蒜唔错。但千祈唔好叫流沙奶皇煎堆仔！未试过食一团粉嘅煎堆张相影得真系样衰咗啲，但就咁望都见到𠮶团粉，𠮶啲唔系奶皇，系煎堆嘅皮。真系咬咗一半就食唔落。肠粉不过不失，但略嫌肠粉个皮厚咗啲，如果薄返少少会更好。仲有个生炒糯米饭，本人比较小食，但感觉啲饭真系有啲硬，觉得有啲哽胃，唔知系咪本人食得少唔识野，但真系食唔得多，加上佢啲花生唔新鲜，有啲淋。真系有啲一粒老鼠屎，坏了一锅粥嘅感觉。服务：其实都无乜服务可言架啦，繁忙时间唔够人，个茶想加热水都至少叫三四次先加到。呢间真系无下次。本身无谂住打食评所以无影到相。但我见新开一排大家都可能想知就尽量分享一下。