滿屋日本料理 (已結業)

食过好多日式放题 ($250一位咁上下o个d)，通常你落完order，都要等一段时间先会有野食到! 而且多数都系你写十件，佢就系咁易黎几件就算~ 终于第一次食过唔会系咁o既放题啦!今日系我生日，同老公两个去o左铜锣湾揾食~ 由于太饿所以就拣o左食放题。我地冇订枱，但可能系平日，加上又比较早(6点3左右)，所以都即刻有位。呢度d款式都好多，起码甜品同饮品都系任点~刺身款式都唔少，望落都有成十样。三文鱼，甜虾，带子，螺肉，象拔蚌，油甘鱼.......花多眼乱，所以咩都要d试下 剌身盘 - 好味! 我唔敢话好新鲜，但真系唔错! 推介甜虾，带子，螺肉，象拔蚌!芝麻鸡翼 - 之前食过烧鸡翼，呢个应该系新出，好香好脆，好食好多!花之恋 - 细细件，可以一试蟹子沙律 - 好似食面咁，略嫌硬o左少少烧牛舌 - 烧得唔错，但咸o左d~天妇罗 - 推介! 炸虾最好味~蟹棒同南瓜都ok~鸡软骨 - 好味!!我一个人食o左5串，好有口感~芥辣八爪鱼 - 麻麻地，冇咩辣味，但好咸! 枝豆 - 我唔钟意食呢d野，但老公话好好味，一个人食晒~烧菠萝 - 正!好甜好香，仲热辣辣添~烧羊脾 - 平时好少食呢d咁饱