金仔米線 (已結業)

有一次同妈妈行过黎呢头揾野食 , 见到开左间金仔米线 , 即沙田禾𪨶之前我地食过烤鱼o个间o既分店 , 呢间大好多呢不过o个日行到热辣辣 , 无兴趣食米线 , 今日凉凉地就 arm 晒喇新店位于太子界限街 , 有上下两层 , 坐位疏落有致 , 感觉舒适店主为云南人 , 米线薯粉声称正宗云南风味 , 有多种汤底以供选择我地先行一试牛刀 , 叫左两个午市套餐 , 只需 $ 64 埋单 , 几抵食 ~1. 重庆酸辣汤鸡丝雪鱼丸玉子红薯粉 ~ 酸辣汤要左少辣 , 味道唔错 , 有少量酸菜 , 酸辣得黎带麻香 果真有重庆酸辣粉o既风味 , 但无o个种过份味精过份浓郁o既呛喉 配料样样都几好食 , 雪鱼丸口感有 d 似墨鱼丸 , 但充满鱼肉鲜味 玉子豆腐唔系劣质货 , 软弹滑溜 , 鸡丝系鸡脾肉 , 嫩滑软腍无雪味红薯粉晶莹透澈带曲折面 , 烟韧又索味 , 有芽菜跟腐竹作伴 , 口感甚佳2. 猪骨汤豚腩片龙虾丸米线~ 妈妈叫左呢个两个送o既 , 只需 $ 28 连热饮 , 米线既腍且软滑 , 不过当中有 d 系煮得唔够透 , 个芯仲系硬o既 , 但明明己经等左好耐先有得食猪骨汤味道 ok , 豚腩