金子半之助 (荃灣廣場)

营业中

休息中

听闻依间餐厅初初来香港时好多人排队，见今日难得同同事准时收工，就即刻冲过来试下咩东东。餐厅位于地库，一落电梯就见到一个金碧辉煌嘅大门口，相当有气派，门帘对称的挂喺大门，整洁嘅装横就好似置身日本嘅餐厅一样。半之助沙律（⭐️⭐️⭐️⭐️⭐️）我地见好多人都有叫，果然冇令我地失望，简洁大方嘅摆盘，冇多余嘅酱汁舖面，唔同颜色嘅蔬菜混合喺一齐非常鲜艳夺目。每一块菜叶都新鲜爽口，番茄仔大大颗好多汁，最惊喜嘅系有新鲜炸好嘅天妇罗下，大大只而且肉质弹牙，值得一试！车海老寿司卷（⭐️⭐️⭐️⭐️）车海老意思是用上特大虾只，虾够大只，只是配料更多，饭团足足包围了两圈，加上惹味嘅沙律酱，真系非常饱肚，仲有三文鱼子搭配，食到脆口嘅口感，不错！软壳蟹迷你天丼 + 荞麦面（⭐️⭐️⭐️⭐️⭐️）特别加钱试试我最爱嘅软壳蟹天妇罗，软壳蟹原只斩半上，炸衣薄而脆，唔会跟肉分离，淋上特制酱汁更中和油腻嘅感觉，食多几件都唔怕腻，仲有新鲜流心蛋搭配，令炸物更加滑口。饭粒亦粒粒分明，珍珠米香口带点醋味。荞麦面都好好食，大大碟点上淡豉油更带出荞麦淡淡的芳香。海老迷你天丼 + 稻庭乌冬（⭐️⭐️⭐️⭐️）海老只得一只，但夹杂其他蔬菜类炸物亦有惊喜，每样食材都非常新鲜