名苑酒家 (已結業)

睇呢间餐厅门面几靓，D野食睇落几好，但嚟咗呢间公司咁耐一直都无食过，于是晏昼去试吓。收银𠮶位姐姐同我讲，话我可以预先打电话落单，咁样我就唔驶等，点知我去到餐厅佢地先同我落单，咪又系要等？！咁同我落到去先叫有乜野分别呢？买左个「香茅猪扒炒米」，返到公司打开饭盒已经知道衰咗。块猪扒本身已经细，仲剪开左五条，每条只得朱古力手指咁大；葱同芽菜得两三条；最多的系米粉。猪扒又鞋又韧，不但食唔到有香茅味，仲连咸味都无，好怀疑佢地究竟有无腌过；米粉一D就好油、一D又好干身，总之成个粉好难食。我无勇气试第二次啦。