影片
更多
2018-09-03
174 浏览
其实食靓嘅西餐唔一定要去啲贵价餐厅，今日同大家介绍呢间金船长餐厅位于大角咀经济又实惠，食物质素仲要very good！餐厅都以航海为主题，四周嘅摆设都同航海有关，几有特色。呢度嘅特色饮品都几special，除咗有金船长推介嘅宇治抹茶红豆奶昔同埋加州牛油果沙冰之外，最特别莫过于怀旧特饮黑牛同白牛，通常呢两种饮品只系喺啲怀旧冰室先至会饮到，估唔到呢度都有得饮。黑牛其实即系朱古力雪糕沟可乐；而白牛即系云呢拿雪糕沟雪碧，冰凉嘅雪糕与冲击味蕾嘅汽水，mix埋一齐，味蕾相当刺激。香煎法国鹅肝 (3安士) 苹果沙律：鹅肝金黄香脆，内里粉红嫩滑，入口即溶，香味慢慢渗透到口腔中，非常美味。而多士入口香脆，没有因吸收了鹅肝嘅油份而变软。苹果沙律味道清新，可以中和番食完鹅肝嘅油腻感。沙律方面加$12可配埋烟鸭胸，加$18可配三文鱼，加$30仲可以配埋巴马火腿添。炸香脆软壳蟹又香又软软，炸粉唔会太厚，唔会太过油腻。老板果然无介绍错，佢地嘅得奖作品黑松露菌酱意式马斯卡普芝士夹心比萨真系必点菜色，好好味，有6吋或者9吋选择，而且仲有3种唔同食法添：1. 普通就咁食，不点任何酱汁，纯粹感受黑松露同埋芝士嘅香味，入口
其实食靓嘅西餐唔一定要去啲贵价餐厅，今日同大家介绍呢间金船长餐厅位于大角咀经济又实惠，食物质素仲要very good！
餐厅都以航海为主题，四周嘅摆设都同航海有关，几有特色。
黑牛，白牛
$30
18 浏览
0 赞好
0 留言
呢度嘅特色饮品都几special，除咗有金船长推介嘅宇治抹茶红豆奶昔同埋加州牛油果沙冰之外，最特别莫过于怀旧特饮黑牛同白牛，通常呢两种饮品只系喺啲怀旧冰室先至会饮到，估唔到呢度都有得饮。黑牛其实即系朱古力雪糕沟可乐；而白牛即系云呢拿雪糕沟雪碧，冰凉嘅雪糕与冲击味蕾嘅汽水，mix埋一齐，味蕾相当刺激。
香煎法国鹅肝 (3安士) 苹果沙律
$138
20 浏览
0 赞好
0 留言
香煎法国鹅肝 (3安士) 苹果沙律：鹅肝金黄香脆，内里粉红嫩滑，入口即溶，香味慢慢渗透到口腔中，非常美味。而多士入口香脆，没有因吸收了鹅肝嘅油份而变软。苹果沙律味道清新，可以中和番食完鹅肝嘅油腻感。沙律方面加$12可配埋烟鸭胸，加$18可配三文鱼，加$30仲可以配埋巴马火腿添。
炸香脆软壳蟹
$78
13 浏览
0 赞好
0 留言
炸香脆软壳蟹又香又软软，炸粉唔会太厚，唔会太过油腻。
黑松露菌酱意式马斯卡普芝士夹心比萨
$108
24 浏览
0 赞好
0 留言
黑松露菌酱意式马斯卡普芝士夹心比萨
$108
12 浏览
0 赞好
0 留言
老板果然无介绍错，佢地嘅得奖作品黑松露菌酱意式马斯卡普芝士夹心比萨真系必点菜色，好好味，有6吋或者9吋选择，而且仲有3种唔同食法添：
1. 普通就咁食，不点任何酱汁，纯粹感受黑松露同埋芝士嘅香味，入口外脆内软
2. 加上自家制提子果醋，酸酸甜甜，味道好特别
3. 加上自家制提子果醋，再mix埋有机沙律菜一齐食，味道相当清新。
美国特级肉眼扒 (12安士)
$298
24 浏览
0 赞好
0 留言
美国特级肉眼扒 (12安士) 超大块，份量十足，我通常喺唔加任何酱汁下先品尝肉汁嘅原汁原味先，牛味突出，肉质鲜嫩，唔会有太多筋位，师传亦做到7成熟。另外，加上酱汁之后又另有一番味道。伴碟薯蓉和脆饼都好香，将脆饼点上薯蓉黎食，牛油味道好香，口感松软。
金船长招牌梳乎厘
$58
24 浏览
0 赞好
0 留言
食完主菜点少得甜品呢，即使几饱，女士都一定有第2个胃食甜品。今次拣左2款甜品，金船长招牌梳乎厘同埋心太软朱古力布甸。
招牌梳乎厘即叫即做，有原味、朱古力味、橙味同埋姜味，不过如果要试真啲好唔好味一定系拣原味。 话明即叫即做 ，制作都需要时间，大概都要等15至20分钟，如果大家唔想等太耐可以喺差唔多食完主菜嘅时候就已经叫定啦。等左15分钟，香喷喷嘅梳乎厘终于上台啦，蛋味香浓，口感松软，食落有轻盈感觉。
心太软朱古力布甸
$58
35 浏览
0 赞好
0 留言
食尽全港、九、新界心太软嘅我又点可以唔叫我至爱嘅呢一款甜品呢，师傅用朱古力粉印咗图案上碟上，好有心思。朱古力味唔会太甜，一切开，朱古力浆马上好似熔岩咁流出黎，热腾腾的，仲冒住烟，非常美味。
menu 仲有好多嘢都想试，下次一定要叫多啲朋友黎再食过！
张贴
