影片
更多
2014-07-09
4578 浏览
金满庭唔喺首次帮衬，最常去喺铜锣湾店，不过，甚少写食评，因为喺公司午餐例会，场合唔多方便。今晚就唔同嘞，旧同学饭聚，佢哋知我依个为食嘅伪食家一向相机先食，唔介意俾我影完先慢慢食，而就大家方便，拣嚟九龙湾店。大堂中间多数喺4-6人枱，两侧就喺4人卡位，一室浅啡色，无乜太多奢华装饰，感觉几顺眼。好多人都知，几间金满庭都一向排满人，所以，我哋都订定个房，仲拣晚市第一节（5:45-8:15pm），宁愿早少少食，费事等人交枱要再等；再者，我哋当中有小朋友，都唔想搞得咁夜。虽然话订咗个「房」，但喺无遮无掩全开放性，其实我哋都唔介意，反正一行人连大连细共11人，坐得落，又无咩嘢唔见得人，只喺咁嘅「贵宾房」都仲要收最低消费$1,800，跟坐大堂无咩分别，只喺比人张枱大啲，觉得唔多合理由啫。基本收费，茶水巾芥$11位，餐前小食$15碟，我哋11人收4碟钱，另收切饼费$50个，又唔算贵。菜式分类为招牌烤鸭、冷盘、肉类、海产河鲜、蔬菜、豆腐、饭面、包点、甜品等多项，少部份图文并茂，当中亦有唔少人气菜式推介。而另一张「厨师推介」餐牌，却又反而兴趣不大。餐前小食 $15碟虽然焗收$15碟，但都算抵俾，因为起码唔
大堂中间多数喺4-6人枱，两侧就喺4人卡位，一室浅啡色，无乜太多奢华装饰，感觉几顺眼。
好多人都知，几间金满庭都一向排满人，所以，我哋都订定个房，仲拣晚市第一节（5:45-8:15pm），宁愿早少少食，费事等人交枱要再等；再者，我哋当中有小朋友，都唔想搞得咁夜。虽然话订咗个「房」，但喺无遮无掩全开放性，其实我哋都唔介意，反正一行人连大连细共11人，坐得落，又无咩嘢唔见得人，只喺咁嘅「贵宾房」都仲要收最低消费$1,800，跟坐大堂无咩分别，只喺比人张枱大啲，觉得唔多合理由啫。
基本收费，茶水巾芥$11位，餐前小食$15碟，我哋11人收4碟钱，另收切饼费$50个，又唔算贵。
菜式分类为招牌烤鸭、冷盘、肉类、海产河鲜、蔬菜、豆腐、饭面、包点、甜品等多项，少部份图文并茂，当中亦有唔少人气菜式推介。而另一张「厨师推介」餐牌，却又反而兴趣不大。
餐前小食 $15碟虽然焗收$15碟，但都算抵俾，因为起码唔喺几粒花生、菜脯，而喺有醉鸡、菜紫碎花生咸鱼仔、酱油四季豆，味道唔错，又各有不同。晌等大家期间，食吓小食，刨吓餐牌。
五福临门大拼盘 $290金满庭嘅冷盘向来都做得几出色，几受欢迎，冷盘一共有30多款式，各有特色，如果够人多，不妨点个五福临门大拼盘，够睇头，$290可以自由拣5款，不过，有几样贵嘢就唔包其中，例如：油爆虾、五香芝麻鸡……等等。款款本身要60、70蚊，其实，夹埋都只可能喺平几十。
四喜烤夫（$58）：烤夫、云耳、金针，烤夫绵腍，云耳爽脆，味道简单，但有益有营养；
鸡丝粉皮（$68）：鸡丝非手撕，切得工整，粉皮柔滑，芝麻酱拌匀下，加上白芝麻，香甜好味；
脆皮素鹅（$72）：脆而不油，几有腐竹味道；
葱油海蜇（$78）：海蜇口感冰爽，充满葱油香味；
香春皮蛋伴豆腐（$58）：皮蛋洒上香葱，蛋心绵密，而豆腐香滑，加上少少肉松，又几特别。
北京烤鸭 $360成11人，当然要叫成只先够食啦，因为喺北京烤鸭，喺皮连肉，虽然无见到成只鸭嘅真身，但睇啲外皮几金黄，斋食一件试吓，皮脆肉香。一只鸭切成两大碟，跟两笼薄饼，配甜鸭酱、青瓜、京葱及姜蓉，想点搭就点夹。两笼饼皮上到枱唔算好热，一块叠一块，过多阵冻咗就好易黐埋晒，要趁快食。
生菜片鸭崧 $55点北京烤鸭，可加$55变两食，有生菜片鸭崧、鸭骨汤或酱爆鸭骨之选，但睇嚟只有前者最有「肉」食。鸭壳起肉切粒，加埋笋粒、松子仁嚟炒成一碟鸭崧，几香几惹味，只喺嫌生菜太少。
花香玫瑰骨 $84卖相艳红，犹如一碟生炒骨，味道真喺几好㖞，唔太甜，又有一朕玫瑰花香味，肉排入口松化，外层粉浆又唔太厚，挂满汁。
油爆带子 $185收得近两旧水一碟，啲带子真喺无流料，又大只，大过个5蚊银有多，又厚肉，食落鲜甜爽口，轻轻油爆一下，鲜味尽保留，伴碟嘅西兰花色泽翠绿，口感清脆。
凤梨鱼柳 $92个凤梨鱼柳跟个花香玫瑰骨有啲异曲同工，做法好相似，虽然伴碟有好多菠萝（都喺罐头货色），但啲鱼柳上，菠萝味唔算好突出，但肉质就挺滑溜。相比起早前晌「潮庭」食嘅菠萝酱烧虾球，我钟意后者个虾球多啲。
奶油津白 $72津白（绍菜）一向俾人感觉喺啲平价菜，不过，一讲到奶油津白，津白又变得好不一样，经过厨师巧手，清甜嘅津白，淋上细腻柔滑嘅奶油茨汁，一样成为滋味菜式。如果洒多啲金华火腿碎上面就仲好，滑溜中多份咸香！
千张豆腐 $98依道菜，真喺食手功都抵番晒，豆腐切得厚薄均一而工整，环形铺晌玻璃碟上，卖相一流。中间再加有虾米、冬菇、葱粒，连豆腐夹埋一齐食，要咬口有咬口，要软滑有软滑。因为有细路仔关系，我哋要求走辣，否则，应该仲惹味。
招牌炒饭 $98讲真，今晚啲服务麻麻哋，揾人招呼加茶添水真喺唔容易。而且，出菜亦都好求其，出完个五福临门大拼盘，跟住竟然就嚟碟招牌炒饭，然而，个炒饭又的确值得叫「招牌」嘅，饭粒分明，又炒得够爽身，带子粒、葱粒、蛋碎，再加埋一大撮蟹籽，令个炒饭美味丰富。
包点就无叫，反而最后点几款可以方便共享嘅甜品，顺便凑够最低清费个数。
高加豆沙 $13 /个每个高加豆沙都好大个，外皮松松软软，内里豆沙蓉填得满满，清甜不腻，好味。唯一要挑，糁糖霜可以做得靓仔啲，唔使咁随便啰。
豆沙窝饼 $48又喺豆沙系甜品，只因细路哥钟意油炸嘢，窝饼皮炸得金黄香脆，豆沙唔使再多讲，清甜，好食。
杞子芦荟桂花糕 $35一向都几钟意佢哋个杞子芦荟桂花糕，就算公司晌铜锣湾店开午餐例会，都梗会点一客打包拎返公司益同事。一客有9件，虽然芦荟就唔喺好多，但桂花香十足，糕身挺而不削，感觉冰凉清润。
席间又讲起好多往事，又喺一连串那些年嘅话题，好多甘苦与共嘅经历；虽然依家各散东西，各有各嘅家庭，各有各要面对嘅事情，不过，对于依理中学同学，相信若边个有咩难关，我都觉得彼此可以继续喺甘苦与共嘅老友！
题外话/补充资料：
每人消费只计9个大人
(以上食记乃用户个人意见 , 并不代表OpenRice之观点。)
张贴
