一品雞煲火鍋

营业中

休息中

今日情人节 又唔想同人哋逼， 所以我哋最后决定去 荃湾食鸡煲， 但系因为地面𠮶间一品实在太多人，所以就谂住去间大间啲嘅地库一品等，等咗大约半个钟就入到去。今次就叫咗个金蚝鸡煲，入面华金蚝有六只， 然后再嗌咗个炸豆腐，同埋西兰花花姿片。最快嚟到嘅系西兰花小菜， 味道都可以但系偏冻， 而且都几油，只属一般。 炸豆腐 炸得好干身，豆腐都好滑味道唔错。金蚝比心目中好食，又大只，两个人食六只其实都几多。鸡煲鸡肉嫩滑，酱汁都唔错，但系有少少咸，食完其实都好饱。最后都冇叫打边炉汤料 ，当然唔会唔嗌柠檬茶啦，但系今次柠檬茶柠檬味好少有点失望。