影片
更多
2021-12-13
932 浏览
金钟作为商业区的存在，不同高楼大厦的组成绝对会令人有一定程度上的压迫感。被石屎包围的地方如果想寻找生活中的忙里偷闲时间的话，除左可以去动植物公园外，亦可以考虑上山少少 - 麦当劳道2号Cafe Bar on 8的下午茶，响室内的环境中观赏附近公园森林般的景色。要前往麦当劳道2号酒店非常简单，只需于金钟站B出口(转右至添马街巴士总站)，转乘12A巴士后，只需5分钟 (2个站)的车程就会到达目的地 (亦即系大家报考急救班的圣约翰救伤会总部)。 Cafe Bar on 8，故名思义就系因为餐厅设于酒店的8楼，所以非常容易辨认。餐厅非常宽敞，虽然今次所安排既位置唔系响窗口位，但小编与老公都可以透过落地玻璃而睇到附近的高楼大厦及海景，都系唔错既感觉! 今次小编经旅游网站以$268订购下午茶，由于下午茶分2个时段而每个时段只有90分钟，所以小编与老公打完卡后都即刻开餐，时间上都算足够既。 简单介绍完后，即刻睇下下午茶既食物相先：「绿野仙踪」既特色系上菜时甜品盘会罩住，店员拎起罩盘时干冰所散发既气就会令甜品盘有迷离既效果，都系个可以打卡既卖点既。至于食物方面：冷盘：雪糕朱古力珍宝珠：朱古力因为易熔既
要前往麦当劳道2号酒店非常简单，只需于金钟站B出口(转右至添马街巴士总站)，转乘12A巴士后，只需5分钟 (2个站)的车程就会到达目的地 (亦即系大家报考急救班的圣约翰救伤会总部)。 Cafe Bar on 8，故名思义就系因为餐厅设于酒店的8楼，所以非常容易辨认。
餐厅非常宽敞，虽然今次所安排既位置唔系响窗口位，但小编与老公都可以透过落地玻璃而睇到附近的高楼大厦及海景，都系唔错既感觉! 今次小编经旅游网站以$268订购下午茶，由于下午茶分2个时段而每个时段只有90分钟，所以小编与老公打完卡后都即刻开餐，时间上都算足够既。 简单介绍完后，即刻睇下下午茶既食物相先：
「绿野仙踪」既特色系上菜时甜品盘会罩住，店员拎起罩盘时干冰所散发既气就会令甜品盘有迷离既效果，都系个可以打卡既卖点既。至于食物方面：
冷盘：
雪糕朱古力珍宝珠：朱古力因为易熔既关系，店员都建议我地优先享用。珍宝珠内既雪糕有朱古力﹑云尼拿及士多啤梨，大家食到边款内饀就真系睇你既幸运程度吧；
芒果拿破仑：可能预先制成既甜品所以唔太脆，但芒果味道都算几甜既；
草莓朱古力挞：草莓唔算太甜但始终今次下午茶比较多甜点，所以会令你觉得有酸既生果中和都几好；
法式杏仁饼：亦即系Macaron (马卡龙)。本身Macaron都系偏甜，而唔同颜色会有唔同既味道，又系睇你既好彩程度喇；
法式杂饼：今次小编就试到芝士蛋糕 - 偏向实感重既蛋糕，所以会令你非常有饱肚感，而芝士味算重味，所以建议大家试少少先再食落去；
烟三文鱼黑鱼子刁草忌廉芝士：细细粒既三文鱼球配以青瓜，味道清新而食唔到三文鱼既油腻感；
黑松露酱带子他他：推介! 薄脆上用上带子碎，非常香口；
法式炖蛋：唔算焗得太㶶既感觉，而炖蛋唔似市面比较硬身，反而佢系比较黏少少既质地；
热盘：
迷你和牛汉堡包：店员都推介我地先食 - 和牛汉堡肉质软身而有唔错肉香味，睇落去细细旧但其实都要两啖先食到既；
小龙虾包：可能都系因为预先制作而比较冻，虽然龙虾味道淡口但小编都唔想佢为突出味道而煮得过火，食落去算系清新既；
格仔饼：配以朱古力酱及蜜糖，味道还好；
迷你朱古力心太软：可能小编响较后时间先享用，所以流心朱古力既效果已经比较少。但心太软既外层朱古力蛋糕唔会过甜而令你有罪恶感。
饮品：
咖啡或茶：自助形式于水吧自行提取。有一般既即磨咖啡﹑红茶﹑柠檬等等。如果需要特饮就会有额外收费。
综观黎讲，绿野仙踪呢个下午茶取名的原意，应该都系想大家响附近公园的森林之下，享用呢份精致既下午茶，令自己响繁忙生活中都会得到小确幸吧。 以$268既价钱相信响金钟区的商场绝对食唔到呢个价钱既下午茶，论环境﹑食物质素去计返，都算系物有所值既。
张贴
