泰廚泰國菜館

营业中

休息中

次次嚟金鱼街买完宠物用品，食嘢都唔驶谂，一定喺去就近嘅泰厨，价钱仲大件夹抵食😎尤其一定会叫1蚊之选，我就多数嗌生虾，有时就嗌青木瓜沙律🤤沙嗲串烧 ⭐️⭐️⭐️⭐️⭐️我称呢度嘅沙嗲串烧为「金鱼街名物」，以前佢哋有个炉摆喺门口烧，每次经过都忍唔住买嚟食🤤今次叫咗猪颈肉、鸡肉、猪肉各一串，猪颈肉超厚超大件，沙嗲汁系比较杰身，味道好浓郁，诚意推介一定要叫！和牛串烧 ⭐️⭐️⭐️⭐️和牛串烧唔系用沙嗲酱，系用绿色嘅泰式酱汁，好似暂时未见过有其他餐厅咁样做🧐和牛易咬好有牛味，比起用沙嗲酱更加有泰式风味👍🏻炸虾饼拼春卷 ⭐️⭐️⭐️⭐️⭐️炸虾饼炸得香脆、虾滑好弹牙，一定要点少少泰式辣鸡酱😎春卷一向系我嘅至爱，食泰国菜一定会叫，春卷馅料好丰富，炸得香脆干爽啱啱好！马拉盏炒椰菜苗 ⭐️⭐️⭐️⭐️食泰菜必食椰菜苗🥬呢度嘅马拉盏味道极度浓郁，椰菜苗火候刚刚好～冬阴功明炉乌头鱼 ⭐️⭐️⭐️⭐️⭐️明炉乌头可以拣清汤或者冬阴功，我钟意浓味啲当然拣冬阴功😆冬阴功酸酸地唔算太辣，咁样反而仲好，唔会盖过晒乌头嘅鲜味，又可以过到饮冬阴功嘅瘾😁芒果糯米饭 ⭐️⭐️⭐️⭐️⭐️份量超大嘅芒果糯米饭，糯米饭暖笠笠好软糯，椰浆份量可以自己控制，配埋芒果味道唔会太甜，水准好高