奈良上釜 (已結業)

今晚去左奈良上釜食饭，选择左蟹釜饭，首先提供前菜，个炖蛋非常唔错，有虾有蟹，而且份量都唔少，蛋好滑，高质素前菜。前菜之后到主菜，一个饭、一碟鱼子同一碗面豉汤，一开盖，蟹味巳经冲出来，好香，将d鱼子倒入饭，急不及待试一啖，果然冇失望，以为炖蛋蟹肉比例已经好高，原来个饭蟹既比例多到有点儿过份，话蟹配饭食，我认为相反，饭好似系𩠌咁。蟹肉好新鲜，啖啖肉，食到尾都系蟹同饭比例仍然差唔多，估唔到多成咁，仲咁好味。个汤不过不失，系有d咸，另外喜欢食饭焦既朋友可能要好用力先整到出唻食，痴得好紧，不过整体来说绝对值得一试，价钱亦好合理。