Fûhn (The L. Square) (已結業)

收工揾间楼上越菜, 简简单单食一餐。呢度嘅特色之一就系客人可以因应自己食量, 选择面底分量。好似我咁...一个人, Regular就够晒啦。面未到,先嚟一大杯新鲜香草。食咗咁多次越南嘢都唔认识呢堆香草? 店主好有心思, 图文并茂俾你边等边学嘢主角到啦!! 呢个捞檬一D都唔简单唔单止猪颈肉多, 配料都好足, 有几种香草碎、沙律菜、花生碎, 仲有正宗捞檬必备嘅炸香葱同葱油!!! 唔好睇少呢啲配料, 有咗佢地, 成个粉食起嚟更香, 更有层次, 少一样就是不一样。猪颈肉煎到金黄色, 油香四溢, 食落脆身, 有弹性。成个粉嘅灵魂, 就系呢个 Nuoc Cham。Nuoc Cham主要成份有鱼露、砂糖、水、青柠汁, 每个厨师都有佢自己心目中嘅黄金比例, 而呢度嘅Nuoc Cham就好啱我口味, 甜酸度平衡再带点鱼露嘅鲜味, 令成个粉食落开胃惹味。