焰淑泰國餐廳 (已結業)

今晚同朋友黎到呢间位于登龙街街尾既焰淑泰国餐厅食饭, 铜锣湾食饭有唔少选择, 呢间地理位置优秀, 同埋系地铺唔洗等䢂。一坐低就比左左手面既menu吸引住, 前菜, 主菜, 饮品仲有任食串烧都系呢个价钱, 我地无乜点谂就拣左呢款了。今晚主要食海鲜所以开左支白酒, 跟餐会有一支, 呢支系新世界酒新年都比较新, 入口比较淡雅, 配浓味既海鲜几match。头盘系生虾刺身, 辣汁配上蒜片同薄荷叶, 如果有埋苦瓜就仲正。主菜我地叫左龙虾沙律, 因为比较少见同特别, 龙虾肉爽口, 香味够浓, 除左比较咸左少少外都好好食。同经理反映左比较咸之后, 佢就话因为厨房同事全部系正宗泰国人煮野有时会较重手, 之后会因应香港客慢慢调整返个味道。而任食既串烧, 基本款既鸡牛猪都唔错! 仲有烧青口同烧生蚝, 烧鱿鱼, 鸡翼等等, 我地都觉得鱿鱼烧得最好食, 够晒爽口, 配埋泰式酱引埋d鲜味出黎! 呢度都系唔错既地方, 环境阔落, 野食ok, 好适合朋友聚餐倾计。