老鍋台式火鍋 (京都廣場) (已結業)

今日同男朋友出黎铜锣湾行街，去到晏昼时间见饿饿哋，就喺附近度揾嘢食。经过京都广场𠮶阵，我哋就拣咗呢间台式餐厅嚟食午餐。呢度晏昼有午市优惠限定，我哋分别叫咗一个老锅自选午餐同一个盐酥鸡拼卤肉饭。老锅自选午餐可以自己拣三样𩠌，我自己就拣咗香菇贡丸，桃胶同埋鸭血。香菇贡丸都几好食，桃胶食落冇咩味，鸭血就麻麻地了，冇鸭血嘅香味。呢个盐酥鸡拼卤肉饭相对来讲就比较好味，啲鸡都算脆，不过份量有啲少。但系卤肉饭嘅味道就真系唔错，比较似台湾嘅口感同埋味道。我哋叫咗一份台湾蒜香肠，上面有蜜糖，食落甜甜哋，几好食。嘢饮方面我男朋友叫咗一杯杞子杭菊露，饮落系普通嘅菊花茶味道。因为个杯嘅关系，佢第一眼望落有啲似啤酒，几搞笑。而我自己就叫咗白桃乌龙茶，淡淡哋几好饮。总括嚟讲，喺铜锣湾食到咁平价嘅台式餐厅都算唔错。