影片
更多
2024-11-13
206 浏览
铜锣湾区好多美食都系卧虎藏龙，最近发掘到一间非常正宗嘅比利时菜「Belgos」，我发觉自己真系好Out，原来餐厅至2018年起已经开始营业，但系我竟然一直都唔知，好彩依家都唔迟😂餐厅令我感到佢哋对食物嘅专注，比利时手工啤酒多达30多款，仲有最招牌嘅Mussels 酱汁多达六款不同口味，当然仲有好多人气菜式，由前菜、沙律、意粉、主菜，甜品和不同酒精饮品，一定有啱你口味，而且环境和气氛超好，真系好适合放工嚟饮返两杯食吓饭倾吓偈，仲有唔好错过佢哋嘅Weekend Brunch 抵食之余，仲可以悠悠闲闲坐足成个下昼，真系非常推荐👍▪️Escargots香浓美味嘅田螺，配上欧芹蒜蓉牛油，口感弹牙味道非常香口，最惊喜系底部黑漆漆嘅东西，原来系烘烤过嘅黑巴马臣芝士，味道咸香咸香，作为芝士控嘅我表示非常喜欢▪️Tomato Carpaccio番茄薄片沙律配上好特别嘅食材「灰虾」虾味原来如此浓香，加上柠檬油醋汁、罗勒和蔬菜，口味如此合拍，清新得来又带点惹味▪️Moules Hoegaardens青口主角出场，我哋点咗Hoegaarden beer口味，青口Juicy又清甜，淡淡的啤酒香配上浓厚嘅忌廉汤汁，和青
餐厅令我感到佢哋对食物嘅专注，比利时手工啤酒多达30多款，仲有最招牌嘅Mussels 酱汁多达六款不同口味，当然仲有好多人气菜式，由前菜、沙律、意粉、主菜，甜品和不同酒精饮品，一定有啱你口味，而且环境和气氛超好，真系好适合放工嚟饮返两杯食吓饭倾吓偈，仲有唔好错过佢哋嘅Weekend Brunch 抵食之余，仲可以悠悠闲闲坐足成个下昼，真系非常推荐👍
▪️Escargots
香浓美味嘅田螺，配上欧芹蒜蓉牛油，口感弹牙味道非常香口，最惊喜系底部黑漆漆嘅东西，原来系烘烤过嘅黑巴马臣芝士，味道咸香咸香，作为芝士控嘅我表示非常喜欢
▪️Tomato Carpaccio
番茄薄片沙律配上好特别嘅食材「灰虾」虾味原来如此浓香，加上柠檬油醋汁、罗勒和蔬菜，口味如此合拍，清新得来又带点惹味
▪️Moules Hoegaardens
青口主角出场，我哋点咗Hoegaarden beer口味，青口Juicy又清甜，淡淡的啤酒香配上浓厚嘅忌廉汤汁，和青口真系绝配，汤汁仲可以配搭烘得香口面包和香脆炸薯条，好味得想饮晒所有汤汁，真心推荐非常好食，下次嚟一定要试吓其他口味
▪️Seafood Fideua
这个貌似海鲜饭，但原来系像米粒嘅意粉，入口烟烟韧韧，配上丰富的杂锦海鲜，大虾、青口、鱿鱼、大蚬和带子，用特浓嘅蕃茄酱汁熬煮而成，所有食材都非常入味，再加上新鲜罗勒油和蒜蓉，增添风味
▪️Waffiterole 🧇
这份大满足嘅甜品，材料满满分别有三块卖相超靓心形嘅mini waffle ，夹住三款雪糕，云呢拿、朱古力和草莓，再夹杂新鲜忌廉，朱古力酱、新鲜士多啤梨和蓝莓，女士见到自然心花怒放，有甜品吃就是开心，男士一样被佢嘅美味迷倒😂
▪️Belgium Bottle Beer 🍺
非常喜欢饮啤酒，但系又不太认识，绝对唔使担心，呢度每一位同事都会好热衷为你介绍，只要讲出你嘅喜好，就自然会饮到你想饮嘅啤酒，我哋呢两款，Chimay Blue黑麦啤酒 ，麦香重酒味较重比较适合男士，而Duvel口感比较清爽，容易入口而且好顺口，一样咁正
张贴
