影片
更多
2022-11-03
45 浏览
呢间泰式甜品真系长期都多人排队，今晚9:00去咗排队唔使一个钟之后入到去，比想像中快，味道都几唔错，不过价钱就比较偏贵！🍴泰式奶茶刨冰 $138 (8/10)刨冰比想像中细个，上面有一层奶盖，都creamy有奶香，刨冰质感几细滑，似绵绵冰𠮶一种，不过系颗粒状，奶茶味好香浓，茶味都几出，完全系泰式奶茶𠮶只味，不过一啲都唔会甜，中间有啲面包粒同埋凉粉啫喱嘅物体，个面包湿晒口感好奇怪，啫喱淋中带烟韧，ok嘅！隔离个泰式奶酱汁比较重炼奶味同埋偏甜就冇乜点食！🍴士多啤梨芝士蛋糕刨冰 $138 (7.5/10)刨冰系一个好淡好淡嘅奶味，上面有四个半粒嘅士多啤梨，一定要倒个士多啤梨酱落去先会有味！士多啤梨酱比较偏酸，士多啤梨味都几浓郁，入面有芝士蛋糕，比较似日式𠮶一种，质感海绵蛋糕，有轻微嘅芝士味，都几香，如果钟意比较酸酸地开胃嘅食呢一个就啱晒啦！推荐推数: 7.8/10整体来讲味道都几唔错，比较推荐泰式奶茶味，感觉比较泰式少少正宗嘅泰式味道，不过如果要排队排一个钟以上就唔啦，因为刨冰嘅份量都比较细，价钱都比较偏贵。最衰冇芒果糯米饭𠮶只刨冰，如果有下次都会尝试下！
🍴泰式奶茶刨冰 $138 (8/10)
刨冰比想像中细个，上面有一层奶盖，都creamy有奶香，刨冰质感几细滑，似绵绵冰𠮶一种，不过系颗粒状，奶茶味好香浓，茶味都几出，完全系泰式奶茶𠮶只味，不过一啲都唔会甜，中间有啲面包粒同埋凉粉啫喱嘅物体，个面包湿晒口感好奇怪，啫喱淋中带烟韧，ok嘅！隔离个泰式奶酱汁比较重炼奶味同埋偏甜就冇乜点食！
🍴士多啤梨芝士蛋糕刨冰 $138 (7.5/10)
刨冰系一个好淡好淡嘅奶味，上面有四个半粒嘅士多啤梨，一定要倒个士多啤梨酱落去先会有味！士多啤梨酱比较偏酸，士多啤梨味都几浓郁，入面有芝士蛋糕，比较似日式𠮶一种，质感海绵蛋糕，有轻微嘅芝士味，都几香，如果钟意比较酸酸地开胃嘅食呢一个就啱晒啦！
推荐推数: 7.8/10
整体来讲味道都几唔错，比较推荐泰式奶茶味，感觉比较泰式少少正宗嘅泰式味道，不过如果要排队排一个钟以上就唔啦，因为刨冰嘅份量都比较细，价钱都比较偏贵。最衰冇芒果糯米饭𠮶只刨冰，如果有下次都会尝试下！
张贴
