影片
更多
2023-08-14
41 浏览
琼天 Canteen 📍铜锣湾轩尼诗道475-481号东南大厦地下E号舖有一日下午我同老爸去咗铜锣湾行街，行到咁上下，见到有间海南鸡炖汤专门店，有唔少上班族帮衬，于是决定喺度食午餐。价钱喺铜锣湾地段嚟讲十分经济，仲非常适合上班族或者屋企唔系成日煲汤嘅人士！ 💰$99皇牌炖汤饭餐 招牌脱骨海南鸡饭 🐓🍚餐厅招牌系脱骨海南鸡饭，油饭粒粒分明，洒上炸蒜粒更能增加香气。脱骨海南鸡食用时非常方便，鸡肉嫩滑鸡皮Q弹，无论系点姜葱、酱油定辣汁都非常夹。我最欣赏佢嘅鸡皮同鸡肉间有层骨胶原，口感滑溜，唔系间间海南鸡都做到咁嘅效果。花胶螺头桂圆汤 🍲我拣咗花胶螺头桂圆汤，细细嘅炖盅内有两只入晒味嘅鸡脚、一片又大又厚肉嘅花胶、煲汤猪肉、螺头、瑶柱同桂圆肉等。呢款炖汤能滋阴补气，补肾养颜，算系五款汤入面最滋润嘅一款。佢嘅颜色比较浅，不过饮落好香海味嘅香味，肯定无点落味精，原汁原味，十分推介爱美嘅女士一试。 💰$99皇牌炖汤饭餐 酱香梅菜扣肉饭 🐖🍚老爸的浪漫，梅菜扣肉饭！我老爸都几钟意食梅菜扣肉，佢赞呢个梅菜扣肉无沙，咸甜适中。扣肉肥瘦相间，肥肉唔油腻，瘦肉唔干柴。石斛太子参无花果汤 🍲老爸拣咗石斛太子参无花
📍铜锣湾轩尼诗道475-481号东南大厦地下E号舖
有一日下午我同老爸去咗铜锣湾行街，行到咁上下，见到有间海南鸡炖汤专门店，有唔少上班族帮衬，于是决定喺度食午餐。价钱喺铜锣湾地段嚟讲十分经济，仲非常适合上班族或者屋企唔系成日煲汤嘅人士！
[价钱 Price]
💰$99
皇牌炖汤饭餐 招牌脱骨海南鸡饭 🐓🍚
餐厅招牌系脱骨海南鸡饭，油饭粒粒分明，洒上炸蒜粒更能增加香气。脱骨海南鸡食用时非常方便，鸡肉嫩滑鸡皮Q弹，无论系点姜葱、酱油定辣汁都非常夹。我最欣赏佢嘅鸡皮同鸡肉间有层骨胶原，口感滑溜，唔系间间海南鸡都做到咁嘅效果。
花胶螺头桂圆汤 🍲
我拣咗花胶螺头桂圆汤，细细嘅炖盅内有两只入晒味嘅鸡脚、一片又大又厚肉嘅花胶、煲汤猪肉、螺头、瑶柱同桂圆肉等。呢款炖汤能滋阴补气，补肾养颜，算系五款汤入面最滋润嘅一款。佢嘅颜色比较浅，不过饮落好香海味嘅香味，肯定无点落味精，原汁原味，十分推介爱美嘅女士一试。
[价钱 Price]
💰$99
皇牌炖汤饭餐 酱香梅菜扣肉饭 🐖🍚
老爸的浪漫，梅菜扣肉饭！我老爸都几钟意食梅菜扣肉，佢赞呢个梅菜扣肉无沙，咸甜适中。扣肉肥瘦相间，肥肉唔油腻，瘦肉唔干柴。
石斛太子参无花果汤 🍲
老爸拣咗石斛太子参无花果汤，餐厅以石斛、太子参、无花果、唐排等食材炖制8小时，具滋阴清热、益脾肺等功效。因为落咗无花果，所以汤底更为清甜浓味，而石斛则略带回甘，果肉亦因长时间炖煮而煮烂入味，饮汤时记得试下果肉啦！
[价钱 Price]
💰$32
泰式凤爪沙律 (小食)🐓
小食我哋叫咗一份泰式凤爪沙律，凤爪已去骨，方便食用。泰式调味唔会酸到喇喉，辣味适中，微酸微辣十分醒胃。
[价钱 Price]
💰$32
泰式墨鱼饼 🦑
一碟有4块墨鱼饼，调味偏泰式，重香料味、鱼鲜味同辣味。个人认为就咁食已经好够味，不过如果想再浓啲，可以点埋泰式辣酱食。
[价钱 Price]
💰$28 (套餐加$12)
荔枝芦荟梳打 🍹
老爸叫咗杯荔枝芦荟梳打，佢嘅荔枝味唔会好甜，用粗饮管可以饮到啖啖芦荟粒，口感好爽口，夏天必点！
[价钱 Price]
💰$22 (套餐加$8)
桂花乌龙 🫖
我其中一样最爱嘅饮品就系冷泡茶，海南鸡同梅菜扣肉偏油偏重调味，饮返淡冷泡桂花乌龙唔单止消暑，仲可以解油腻！桂花味道清香，乌龙回甘，$8嚟讲好抵饮。
张贴
