Moon Ocean (耀華街)

营业中

休息中

今日放工约咗两个好朋友，一齐happy Friday喺铜锣湾揾咗间以海洋作为主题嘅Bar 倾吓偈叙吓旧。入到去楼底好高，投射咗好多属于海洋颜色嘅灯光。唔知以为去咗一个水族馆。场内真系有个鱼缸俾大家打卡。餐厅内设有几张贴窗嘅半圆形皮做嘅卡位，几个朋友坐埋一齐，把酒聊天非常舒服。场内仲有Beer Ping Pung、掟飞镖同桌球玩。餐厅超多特色Cocktail选择。Strawberry Frenzy $88以红酒及草莓汁调配而成嘅Cocktail，饮落去超有果味，比较light，酒味唔会过重，女士最适合饮用。Moon Ocean $138红提子喺面作装饰，渐变嘅海洋蓝色，非常吸晴。饮落阵阵果香味，Gin 底再加上唔同嘅热带水果调配而成嘅cocktail。可以同Bartender讲你想要咩嘢色，如果冇讲明，佢地会根据你嘅心情调配出一杯海洋颜色嘅Cocktail。炸春卷非常香口松脆炸薯条超好味，炸到好松脆、好重薯仔味避风塘鱿鱼避风塘味鱿鱼、鱿鱼非常爽、弹牙、炸完都仲有水份，好味，送酒一流。避风塘鸡软骨鸡软骨炸到好软身，配上避风塘式无得顶。