四寶食堂 (兆安廣場)

营业中

休息中

前排夜晚去咗铜锣湾嘅四宝食堂食晚餐。餐厅以湖水蓝作为主色，墙身更设有一道花花墙，装修都算几有心思。座位方面都几宽落，唔会坐得太逼夹。餐厅menu除咗提供港式茶餐厅嘅嘢食外，仲会有埋西式扒餐等，选择都几丰富。我地今次就叫咗两个西式扒餐，套餐除咗有主食，亦包埋餐汤、配菜同饮品。🔻栗米忌廉汤🔻香煎加拿大猪柳拼板烧纽约鸡扒味道：8/10价钱：$88猪柳份量都几大，嫩滑多汁，肉质唔会太鞋口。而鸡扒肉质鲜嫩味道不错。配菜方面我就拣咗牛油粟米同德国薯仔沙律，两款味道都唔错，尤其牛油粟米好香嘅牛油味。另外仲加咗$15选配餐厅嘅黑蒜麻油捞公仔面，面头嘅香葱加上黑蒜麻油系几好味！饮品我就拣咗冻柠茶。🔻板烧顶级美国封门牛柳味道：9/10价钱：$188落单前店员会细心问下我地想要几成熟，我地今次叫咗5成熟。整体份量都大份，几适合1-2人share食。封门柳肉色呈深红色，肉汁几丰富，油脂较少但几香肉味，有啲估唔到可以系茶餐厅食到呢个水准嘅封门柳。配菜方面就拣咗田园沙律同原个烧蒜，味道都唔错。而饮品就拣咗热柠水。