Cielos (已結業)

呢间意大利餐厅喺铜锣湾时代广场附近、纪利华木球会斜对面，平时人流唔算多。餐单选择好多，总会拣到一碟啱心水嘅菜式，我地今晚点咗一份小食、两份主菜同两份甜品。黎之前睇过食评，唔少人都话佢地嘅流心水牛芝士同手工薯团都系餐厅嘅招牌菜式。佢嘅布袋芝士奶香好浓，配合番茄仔放入口别有一番风味。薯团gnocchi系义大利特色食物，一粒粒薯蓉整到好似丸子咁，口感好有趣。虽然一碟薯蓉份量望落唔多，不过两个人食觉得几饱，而且黑松露四重芝士酱真系好邪恶。另一样黎到一定要试嘅就系罗马薄饼，佢地嘅形状同我地一般食嘅Pizza唔一样。我地都系盲拣其中一款叫Funghi嘅薄饼，材料有水牛芝士、蘑菇同意式烟腩肉。我最喜欢佢嘅饼底够烟韧。经典提拉米苏用玻璃杯装住，口感好柔滑，朱古力粉嘅味道好浓厚；焦糖意式奶冻嘅牛奶味好重。流心布袋芝士 $139四重芝士黑松露手工薯团 $198罗马薄饼：番茄酱、水牛芝士、新鲜蘑菇、意式烟腩肉 $158经典提拉米苏 $78焦糖意式奶冻