影片
更多
2023-09-12
1287 浏览
铜锣湾返工嘅打工仔！OT有福啦！作为打工仔一族，唔可以餐餐都食得咁豪，放lunch放工食餐饭，快靓正又好味，医饱个肚仔就得。兰芳道嘅龙泉冰厅，lunch time嘅时间成日都有条长龙，不过入座速度都快，系我私心必到嘅茶记之一。茶餐厅企理，坐又唔会太逼夹，旁边有卡位，都几啱游客要求。选择都几多，常餐焗饭炒粉面饭铁板餐小菜下午茶，基本上茶餐厅会有嘅佢都有。今日伙计强烈推介，蜜椒薯角牛柳粒！作为薯仔控，已经流晒口水。$80已经包例汤 白饭 仲要有餐饮，加咗个菜心25元，其实两个人都好够食😂。例汤系粉葛汤，饮得出冇落味精，而且仲好甜。重点嘅薯仔牛柳粒，薯仔经过油炸，中间软绵绵，再加少少蜜糖，超好食！牛柳粒份量好多，一个人嘅话真系食唔晒😂，好松软多汁！奶茶红豆冰，奶茶茶底好香浓，好有奶味，红豆偏甜有咬口，加埋落奶茶度啱啱好。朋友仔想食常餐，大赞五香肉丁米，米粉好幼滑，而且好吸汤 ！另外仲有火腿奄列同多士。本身姐姐仲推介我哋试吓软壳蟹菠萝包🤣下次等到下午茶，要试！茶餐厅嚟讲，铜锣湾有唔少，不过价钱唔贵，而质素合理嘅话，其实都唔得几多间，有兴趣又想食平啲啲嘅话记得去试吓佢。
铜锣湾返工嘅打工仔！OT有福啦！
作为打工仔一族，唔可以餐餐都食得咁豪，放lunch放工食餐饭，快靓正又好味，医饱个肚仔就得。
兰芳道嘅龙泉冰厅，lunch time嘅时间成日都有条长龙，不过入座速度都快，系我私心必到嘅茶记之一。
茶餐厅企理，坐又唔会太逼夹，旁边有卡位，都几啱游客要求。
选择都几多，常餐焗饭炒粉面饭铁板餐小菜下午茶，基本上茶餐厅会有嘅佢都有。
今日伙计强烈推介，蜜椒薯角牛柳粒！作为薯仔控，已经流晒口水。
$80已经包例汤 白饭 仲要有餐饮，加咗个菜心25元，其实两个人都好够食😂。
例汤系粉葛汤，饮得出冇落味精，而且仲好甜。重点嘅薯仔牛柳粒，薯仔经过油炸，中间软绵绵，再加少少蜜糖，超好食！牛柳粒份量好多，一个人嘅话真系食唔晒😂，好松软多汁！
奶茶红豆冰，奶茶茶底好香浓，好有奶味，红豆偏甜有咬口，加埋落奶茶度啱啱好。
朋友仔想食常餐，大赞五香肉丁米，米粉好幼滑，而且好吸汤 ！另外仲有火腿奄列同多士。
本身姐姐仲推介我哋试吓软壳蟹菠萝包🤣下次等到下午茶，要试！
茶餐厅嚟讲，铜锣湾有唔少，不过价钱唔贵，而质素合理嘅话，其实都唔得几多间，有兴趣又想食平啲啲嘅话记得去试吓佢。
张贴
