影片
更多
2020-10-07
298 浏览
星期六去咗铜锣湾行街，见唔系好肚饿仔，想食碗汤粉，但又唔系米线𠮶啲。行两行行咗去丹麦饼店𠮶头，我会形容呢段位置都几隐世，唔难去，但好少会无啦啦经过。不过捐窿捐罅觅食嘅我除外，咁就畀我发现咗间隐世🇻🇳越南餐厅「春娇」。餐厅全面采用📱手机自助落单，都方便嘅。不过我成日觉得枱面都可以保留一套实体餐牌，咁样朋友可以手指指讨论食乜。又或者长者真系未必识用电子落单。越南粉系餐厅主打菜式🍜，另外仲有啲饭餐同小食提供。价钱唔算贵嘅，正正常常。我同呀妈一人叫咗一碗汤粉，再加一份小食，估唔到都咁饱饱🤤。留意番呢度嘅汤底系得一款牛汤，唔食牛者要注意！汤头味道浓郁，但并唔浑浊或油腻，唔觉有落味精。青柠🍋同辣椒丝用兜额外分开上，两样都系必落项目。后者适可而止，前者对我嚟讲，则多多无躯！春娇火车头汤檬($68)，识食一定系食火车头🚄，即系杂锦咁解，但当然每间铺都有啲分别。春娇出品包括花胶、牛肉、牛腩同牛丸；面底则有得拣河粉、檬粉或者金边粉。如果有得拣檬粉，基本上我唔会有其它选择，我钟意檬粉口感够滑，加上越南菜式以外好难食到。作为一碗正宗越南粉Pho，边少得各式各样嘅配料，包括金不换、 洋葱、芫茜、葱花、炸蒜以及芽
星期六去咗铜锣湾行街，见唔系好肚饿仔，想食碗汤粉，但又唔系米线𠮶啲。行两行行咗去丹麦饼店𠮶头，我会形容呢段位置都几隐世，唔难去，但好少会无啦啦经过。不过捐窿捐罅觅食嘅我除外，咁就畀我发现咗间隐世🇻🇳越南餐厅「春娇」。
餐厅全面采用📱手机自助落单，都方便嘅。不过我成日觉得枱面都可以保留一套实体餐牌，咁样朋友可以手指指讨论食乜。又或者长者真系未必识用电子落单。
越南粉系餐厅主打菜式🍜，另外仲有啲饭餐同小食提供。价钱唔算贵嘅，正正常常。
我同呀妈一人叫咗一碗汤粉，再加一份小食，估唔到都咁饱饱🤤。留意番呢度嘅汤底系得一款牛汤，唔食牛者要注意！汤头味道浓郁，但并唔浑浊或油腻，唔觉有落味精。青柠🍋同辣椒丝用兜额外分开上，两样都系必落项目。后者适可而止，前者对我嚟讲，则多多无躯！
春娇火车头汤檬
$68
5 浏览
0 赞好
0 留言
如果有得拣檬粉，基本上我唔会有其它选择，我钟意檬粉口感够滑，加上越南菜式以外好难食到。作为一碗正宗越南粉Pho，边少得各式各样嘅配料，包括金不换、 洋葱、芫茜、葱花、炸蒜以及芽菜等；用App落单好处系边样唔啱食可以自行删走佢😝。
牛配料当中，🐮牛肉片最出色，薄薄的有五至六片大大块。牛肉唔系火锅肥牛，肉嫩兼且牛味浓郁，无肥膏。牛腩正常，牛丸爽口，但略嫌得一粒唔够喉。
牛河竟然无牛筋或者牛肚？因为餐厅用花胶取而代知！花胶仲要系超巨型的，相当有惊喜，食落好淋好软，同牛汤亦都搭调，无违和感👍。
鸡丝扎肉汤檬
$52
7 浏览
0 赞好
0 留言
呀妈要咗鸡丝扎肉汤檬($52)，𩠌料亦相当多，🐔鸡丝扎肉嘅量同檬粉系一比一，几乎𩠌多过面！鸡丝青靓白净，肉质亦唔柴。题外话，面量唔算多，女仔啱啱好，大食男仔就可能要加底。
香茅猪扒
$52
3 浏览
0 赞好
0 留言
猪扒🐷煎得好香口，个人认为蜜汁味较香茅味重，偏甜，但几啱我口味。猪扒肉身偏薄，不过以量取胜；口感亦非常松软，但唔似落咗松肉粉，好好食。另外，小食仲搭配左两粒甜薯仔。整体而言呢道菜式绝对值得一试！
饮品方面，我哋要咗龙眼冰同珍多冰(加配价$14)，午餐包咗茉莉花茶同龙眼冰，其他项目则要加钱。龙眼冰甜甜的，感觉几清润，我仲留意到餐厅嘅冻饮系唔加冰的，所以唔怕溶冰后会沟淡味道。至于珍多冰就例外，会有少量冰碎，配合番「冰」饮，🥥椰香味出，但绿色啫喱同红豆则相对较少。
每枱枱面都有套以三色试管装住嘅辣椒粉🌶️，口味分别系海鲜、蒜香同原味，前者味道最突出。不过我𠮶枱无咗文字简介，我系试完辣亲先知佢系辣椒粉，哈哈。
环境方面，我觉得装修几有心思，用上越南草帽等特色物品作点缀，简简单单令人舒服😌。连灯罩都不惊意咁用上滕罩👒。
总括嚟讲，春娇小店几唔错，食物同环境令人满意。唯一小小意见就系觉得小店可以推出一个小食拼盘🍢，就算索价贵啲，但可以一次过满足几个愿望嘛。我哋今日食完三大块猪扒就饱咗，都冇机会试埋其他小食。店员们超级好人，特别系讲嘢好大声嘅𠮶位男店员叔叔，佢对待每枱客人都好似朋友咁呢，令人愉快😊。
张贴
