影片
更多
2022-06-30
47 浏览
喺铜锣湾有好多嘅日本餐厅，呢次就嚟到新开无耐嘅雪见，佢哋嘅装修环境好靓，一出电梯就有一个小座园，餐厅内坐位宽敞舒服，加上佢哋嘅店员都好nice，令人有宾至如归嘅感觉。呢度嘅厨师发办主要有三款，我哋呢次就食其中一款名为樱嘅套餐。入面有先付、刺身、吸物、寿司、食事同埋甘品。依家佢哋仲做紧优惠，全日都有8折。令呢个套餐嘅CP值变得更高。先付有三款分别系汁煮白梅贝、合桃小女仔、海胆麻酱豆腐。梅贝系嚟自日本，壳嘅形状同埋质感都同香港有所不同，而肉质嘅口感会更弹牙。小女仔加埋合桃更加香口，用嚟送酒会更佳。海胆麻酱豆腐就喺普通嘅麻酱豆腐上加咗嚟自北海道嘅海胆，令较为平凡嘅豆腐多添一份名贵海胆嘅鲜甜。刺身：有三款分别系𫚕鱼、蜜柑鲷、深海池鱼。𫚕鱼。𫚕鱼：鱼肉甜美，鱼味浓郁。深海池鱼：可算系油份较高嘅鱼，鱼油甘香细腻。蜜柑鲷：比较少地方食到嘅鱼，呢款嘅鲷鱼用蜜柑作粮食，所以鱼肉都自带阵阵嘅蜜柑香，再加上喺刺身柚子皮同青柠汁，更能突出蜜柑鲷嘅蜜柑体味。寿司：左口鱼配火炙左口鱼裙边寿司：左口鱼系白身鱼，虽然味道较淡，但鱼肉鲜甜，口感较爽口，而放喺左口鱼上面嘅裙边经过火炙，鱼油会更多同更香。金目鲷寿司：金目鲷
呢度嘅厨师发办主要有三款，我哋呢次就食其中一款名为樱嘅套餐。入面有先付、刺身、吸物、寿司、食事同埋甘品。依家佢哋仲做紧优惠，全日都有8折。令呢个套餐嘅CP值变得更高。
先付有三款分别系汁煮白梅贝、合桃小女仔、海胆麻酱豆腐。梅贝系嚟自日本，壳嘅形状同埋质感都同香港有所不同，而肉质嘅口感会更弹牙。小女仔加埋合桃更加香口，用嚟送酒会更佳。海胆麻酱豆腐就喺普通嘅麻酱豆腐上加咗嚟自北海道嘅海胆，令较为平凡嘅豆腐多添一份名贵海胆嘅鲜甜。
刺身：有三款分别系𫚕鱼、蜜柑鲷、深海池鱼。𫚕鱼。
𫚕鱼：鱼肉甜美，鱼味浓郁。
深海池鱼：可算系油份较高嘅鱼，鱼油甘香细腻。
蜜柑鲷：比较少地方食到嘅鱼，呢款嘅鲷鱼用蜜柑作粮食，所以鱼肉都自带阵阵嘅蜜柑香，再加上喺刺身柚子皮同青柠汁，更能突出蜜柑鲷嘅蜜柑体味。
寿司：
左口鱼配火炙左口鱼裙边寿司：左口鱼系白身鱼，虽然味道较淡，但鱼肉鲜甜，口感较爽口，而放喺左口鱼上面嘅裙边经过火炙，鱼油会更多同更香。
金目鲷寿司：金目鲷系款高级嘅鱼种，肉质细腻，味道鲜味，甘甜肥美。
中拖罗：相对大拖罗会少咗啲油脂香，但鱼味相对会突出返啲，仍然都能食到入口即化嘅口感，油香同鱼味两者会平均过大拖罗。
鱿鱼配海胆：师傅细心将鱿鱼切粒，会较平时整块鱿鱼嘅寿司有咬口，而鱿鱼上面仲加左鲜甜味十足嘅赤海胆，令味道层次变得更丰富。
大拖罗寿司：只系望到都流哂口水，见到鱼肉本身布满咗精美细致嘅鱼油油花，完全做到入口即化，满口油香，真系令人一食爱上。
赤身酱油渍：酱油渍赤身虽然食落冇之前食嘅大拖罗咁肥美，但系肉质非常柔软，而酱油更能突出赤身嘅鱼味。
海胆寿司
紫菜好脆身，寿司饭同海胆嘅比例拿捏得好好，而海胆相当新鲜，入口绵滑，满满海胆独有嘅鲜甜味，真心好味。
帆立贝：帆立贝劲大粒，够哂新鲜，肉亦都好厚，鲜甜清爽，再加埋少少黑松露，令香味有更多嘅层次。
汤物：鲷鱼汤
鱼汤呈好完美嘅奶白色，唔会有一点嘅鱼腥味，只饮得出无比嘅鲜甜，不过一定一定趁热饮。
稻庭乌冬：乌冬够哂弹牙，份量刚刚好。
甜品：静冈蜜瓜够哂清甜，为呢餐丰富嘅Omakase划上完美嘅句号。
张贴
