影片
更多
2024-12-23
556 浏览
无论系「食肉兽」定「酒鬼」，嚟烧肉谷都可以满足你！今日嚟到佐贺烧肉谷铜锣湾分店，晚上6:30未算人多，一到7:00客人开始陆续入座，餐厅整体感觉宽敞又舒适，即使满坐都唔会觉得焗促。除咗QR Code落单，近门口仲有自助小食区、饮品柜、甜品区，选择非常多。今次我地叫咗Lv. 3套餐，套餐会赠送天梯形状头盘，外观非常吸引，一个头盘就可以享受唔同部位嘅牛肉（男朋友觉得澳洲和牛－上级牛胸肉好好食）！而且仲可以任饮日本清酒同SAPPORO生啤（啱哂我）！不过最最最正都系烧白鳝（每位两片），外皮烧到卜卜脆，配鳗鱼汁或者柠檬盐酱都好好味。特别推荐：🥩烟熏壶渍封门柳作为招牌之一嘅壶渍封门柳，牛肉味极为浓郁，有独特嘅烟熏香气，肉质嫩滑得嚟有少少嚼口，就算唔点烧肉汁块肉自身都好够味！🦪海鲜海鲜种类超级多，有生蚝、鲍鱼、海螺、大海老、仲有原条鱿鱼筒！全部都大大只冇欺场。我就特别钟意食大海老，先唔讲只只虾都同我手掌一样大，净系讲啲虾谷好易剥，虾肉更唔系霉髧堕已经好过好多地方。🐑羊有超多款羊肉拣，可惜当日羊小肠串同羊黑毛肚串冇哂，所以我地净系叫咗香草羊架同孜然羊肉串，我个人更喜欢羊架大大旧肉咁咬，肉嘅旁边仲有少
无论系「食肉兽」定「酒鬼」，嚟烧肉谷都可以满足你！
今日嚟到佐贺烧肉谷铜锣湾分店，晚上6:30未算人多，一到7:00客人开始陆续入座，餐厅整体感觉宽敞又舒适，即使满坐都唔会觉得焗促。除咗QR Code落单，近门口仲有自助小食区、饮品柜、甜品区，选择非常多。
今次我地叫咗Lv. 3套餐，套餐会赠送天梯形状头盘，外观非常吸引，一个头盘就可以享受唔同部位嘅牛肉（男朋友觉得澳洲和牛－上级牛胸肉好好食）！
而且仲可以任饮日本清酒同SAPPORO生啤（啱哂我）！
不过最最最正都系烧白鳝（每位两片），外皮烧到卜卜脆，配鳗鱼汁或者柠檬盐酱都好好味。
特别推荐：
🥩烟熏壶渍封门柳
作为招牌之一嘅壶渍封门柳，牛肉味极为浓郁，有独特嘅烟熏香气，肉质嫩滑得嚟有少少嚼口，就算唔点烧肉汁块肉自身都好够味！
🦪海鲜
海鲜种类超级多，有生蚝、鲍鱼、海螺、大海老、仲有原条鱿鱼筒！全部都大大只冇欺场。我就特别钟意食大海老，先唔讲只只虾都同我手掌一样大，净系讲啲虾谷好易剥，虾肉更唔系霉髧堕已经好过好多地方。
🐑羊
有超多款羊肉拣，可惜当日羊小肠串同羊黑毛肚串冇哂，所以我地净系叫咗香草羊架同孜然羊肉串，我个人更喜欢羊架大大旧肉咁咬，肉嘅旁边仲有少少肥膏，相对嚟讲仲冇羊肉串咁膻。
🐟吉列多春鱼
其实我真系超钟意食多春鱼，平时食放题我自己一个都要食八条，不过慢慢烧都几哂时间，所以我一见到呢个吉列多春鱼，即刻有得食仲要香脆热辣辣，我即时再落多六条，一啖清酒一口多春鱼。
🥣黑鱼片汤
冬天最啱饮碗汤暖暖胃，呢碗黑鱼片汤味道都几特别，有少许鲜味，系烧完重口味嘅肉类后，一个非常好嘅清新选择。
（烟三文鱼豆腐都唔错）
小总结：
店员服务态度超好，上菜速度都好快，个头系手机QR Code落单，五分钟都唔洗食物就到了。整体食材质素高选择又多，今次真系食得开心又满足！
张贴
