牛之鍋

营业中

休息中

同事啱啱介绍我呢一间位于铜锣湾鹅颈桥附近嘅任食刺身火锅店，晚市任食最平都只系百零蚊，今晚喺附近收工，又过嚟试下。一出闸梗系整番个刺身先，刺身嘅选择虽然唔多，但系有番咁上下质素，带子鲜甜，鲜虾弹牙。花之恋，特别钟意佢呢度啲寿司饭比起坊间一般嘅细旧好多，三文鱼同嚿寿司饭嘅比例系2比1，咁个胃就有更多空间可以食接著嘅美食。凉拌麻辣鱼皮，凉拌汁味道酸酸甜甜，仲有少少嘅麻辣味道，加上爽脆嘅鱼皮，相当开胃。澳洲手切牛肉，牛味浓郁，厚薄适中，系我今晚食得最多嘅一款牛肉，没有之一。澳洲 M5 和牛，油花均匀，油脂嘅香气萦绕口腔，久久不散。澳洲羊肩肉，羊肩肉系满满嘅羊味，怕骚嘅朋友千祈唔好试，钟意食羊嘅我当然系大快朵颐。朱古力火锅，食完咁多嘢之后再嚟过咁有仪式感嘅朱古力火锅作结，美妙，呢个仪式感已经远远咁样超越咗好多任食嘅火锅店，完胜。