影片
更多
2021-06-21
42 浏览
呢间有好多靓靓既花花🌸同埋花墙，长期都系人气高企，啲fd都忍唔住拉我黎食，所以食过两次，所以我combine埋一齐讲啦～食材配搭同造型上有落过心思，不过希望味道同口感有可以再好啲，希望小店可以更上一层楼！环境稍为迫啲，枱同枱之间空间比较少，反而花墙对开有比较多位比人影相打卡～ 服务态度唔错，上菜速度唔会好慢～ 跟住我就开始入正题讲野食啦～(5😍 系满分，🤩系半分）Cookie Cup 🍪🥛 - $69 (好味指数：😍😍😍🤩）好多人黎到都叫，所以我都忍唔住叫下🤩 idea似平时oreo既”扭一扭，舔一舔，浸一浸”，cookie🍪几香，有牛油🧈香味同埋几脆～ 里面有一层朱古力🍫coating，避免倒奶🥛落去食既时候 cookie🍪会腍左，呢个几细心！不过倒左奶之后好似淡左无左咁好食，同埋个杯既耳仔攞唔起... 可以考虑下将个cup分开几层，跟住再落coating就方便用餐具分开食，宜家倒左奶之后，食到个杯剩翻比较少既时候，会几手忙脚乱... 另外出面买各大馅料既足料soft cookie都系$4x 左右，宜家呢个价钱虽然有得特登做到杯咁都系偏贵，可以试下cookie🍪同🥛既口味上特别啲，跟
(5😍 系满分，🤩系半分）
Cookie Cup 🍪🥛 - $69 (好味指数：😍😍😍🤩）
好多人黎到都叫，所以我都忍唔住叫下🤩 idea似平时oreo既”扭一扭，舔一舔，浸一浸”，cookie🍪几香，有牛油🧈香味同埋几脆～ 里面有一层朱古力🍫coating，避免倒奶🥛落去食既时候 cookie🍪会腍左，呢个几细心！不过倒左奶之后好似淡左无左咁好食，同埋个杯既耳仔攞唔起... 可以考虑下将个cup分开几层，跟住再落coating就方便用餐具分开食，宜家倒左奶之后，食到个杯剩翻比较少既时候，会几手忙脚乱... 另外出面买各大馅料既足料soft cookie都系$4x 左右，宜家呢个价钱虽然有得特登做到杯咁都系偏贵，可以试下cookie🍪同🥛既口味上特别啲，跟住比人拣～
二重奏忌廉烟肉芝士猫耳朵 🧀🥓🐱 - $118 (好味指数：😍😍😍🤩）
芝士味🧀算几重，用左车打同巴马臣芝士，亦都拉到丝，所以个汁几creamy, 不过要注意既系唔系每一粒猫耳朵都有芝士汁，即使捞匀都系咁，可能要注意个汁既浓稠度～ 猫耳朵既边位爽爽地，有啲似爽口既贝壳粉🐚，不过中间既位有啲似食紧粉团咁，未去到猫耳朵既精髓，中间烟烟韧韧既感觉～ 有埋啲烟肉同蘑菇🍄，口感都几丰富～ 不过烟肉🥓可以炒香啲，迫多啲油香出黎，配埋double芝士就可以有加强版carbonara既感觉
Wasabi x 忌廉蟹柳蟹籽意粉 🟢🦀🟠🍝 - $124 (好味指数：😍😍😍🤩）
个白汁几杰身同creamy，唔会话杰到一旧旧，或者食到最后会变水左 (呢个系唔少cafe既通病)，所以几挂汁，意粉🍝既质地都带有韧度～ 蟹柳唔少，味道正常，不过配蟹肉🦀️会更加perfect，同埋蟹籽🟠唔够卜卜脆，所以令到口感比较单一～ 另外原本呢个配搭几得意，不过wasabi无咩味，反而令到个意粉变左好似有啲雪柜味咁，可能系用既wasabi唔靓同埋量太少，所以显示唔到个特别之处，反而净白汁，或者用明太子🟠、甚至mustard可能效果更好
紫醉金迷 💜🍾🦐🦪🍝 - $178 (好味指数：😍😍😍🤩）
呢个招牌菜既名几特别，系有心思既菜式！个饭除左有必备既忌廉之外，加左紫椰菜同埋金箔令到成个颜色都好靓、好梦幻😍有好天然既清甜～ 蓝青口🦪用清酒🍶煮过，味道不过不失，唔系好够鲜味～ 至于香草蒜茸🧄烤大虾几惹味，啲虾🦐算有鲜味，不过肉质有啲梅，食既时候肉唔系好易离壳，有啲唔够新鲜... 饭稍为腍左啲，平时risotto会比较有咬口
玫瑰花酿红茶 🌹☕️ - $45 (好味指数：😍😍😍😍）
呢类饮品通常会用糖浆，但入口味道都自然，花香🌸味浓，不过系啲糖浆比较难搅得匀，饮既时候要自己伸长伸短枝饮管，令到每一啖糖浆同茶既比例啱啱好，红茶味道偏清，可以再浓啲
紫薯牛奶 🍠🥛- $45 (好味指数：😍😍😍😍🤩）
紫薯🍠味几香浓，入口亦都幼滑，奶味唔会好淡，个底有少少紫薯蓉🍠 如果面头有啲紫薯粒🍠同紫薯粉，就更加靓，同埋口感会多个层次
P.S. 建议下庆生方面，蛋糕🍰份量细加偏贵，呢个价钱市面上有好多大牌子兼用料讲究、有层次既可以选择，要再谂谂有冇啲口味特别或者玩味浓既作为招来～ 生日汉堡呢个idea原本几特别，有啲似改版既all-day breakfast，但个人偏好庆生要甜既，可以考虑会唔会出个甜既version～
好味指数：😍😍😍🤩
推介指数：😍😍😍
Cookie Cup
9 浏览
0 赞好
0 留言
二重奏忌廉烟肉芝士猫耳朵
7 浏览
0 赞好
0 留言
Wasabi x 忌廉蟹柳蟹籽意粉
5 浏览
0 赞好
0 留言
张贴
