阿升麵線 (已結業)

本来想点盐酥鸡，点知姐姐仔听错咗，帮我落咗盐酥菇....即炸，要等，成间舖都好多人等紧...初初谂『炸菇？梗系又油又冇味啦...』打开个纸袋，一阵热气涌出黎~好多菇㖞！咪住先~仲有几条炸青豆㖞！好新奇~鲜冬菇好滑~鸡脾菇好多汁~金针菇最正，菇身好嫩滑，一支支的菇炸到脆晒，好似食薯片咁~炸菇全部都有脆浆，薄薄一层，香脆唔油腻，加埋椒盐，好香口~炸青豆冇脆浆GE，几清新~食得肉多，可以转转口味试吓盐酥菇GA！