魂燒 (已易手) 新餐厅

睇苹果见到呢间餐厅有抵食海胆饭，趁去旺角买完野，就顺路去食dinner。餐厅原来系细细间既地铺，个门口都几大，所以坐近门口都会几热。餐厅得几张细台同一边有几多单边既长台位。如果一大班人去就唔太适合。去到已经成8点几，一心谂住食既海胆饭已经卖晒，甘唯有食另一招牌 - 生煮蟹黄拉面。生煮蟹黄拉面拉面系有成原只蟹，有好多蟹黄胆蟹膏，真系好鲜甜，另外，蟹脚仲有好多肉，蟹肉唔会软林林，蟹系好新鲜既。拉面系黄色个种比较硬身，汤底都几浓味，好似有少少胡椒既味道另外，原来呢到提供好多串烧选择。三文鱼烧饭团（$28） - 个饭团烧到外面饭好脆，加上少少甜甜地既汁，入面有d熟既三文鱼碎，都几夹烧扇贝 （$28） - 叫左香蒜牛油同芝士味，个扇贝好新鲜，几大只，个汁系甜甜地，加埋蒜蓉/芝士，就更浓味秘制汁烧茄子 （$18） - 个秘制汁系甜甜地，似烧汁，唔似豉油，茄子烧到d肉软晒，加埋汁，好味。（不过个人都系觉得有蒜蓉同豉汁会好食d)仲有好多串烧选择，有日本迷你蕃薯，牛肉，鸡肉，个d都好香口，质素同一般日式放题店差唔多。