榮峰餐廳

营业中

休息中

今日放工唔想返屋企唯有周围去附近行下碰下运气，刚刚好见到荣峰餐厅，见到餐牌显示既价钱系附近算系好有竞争力，所以即刻入去试试，最紧要新装修环境是是正正。入去打开餐牌，有小炒，有铁板，有汤面，作为食肉兽，同埋一定要jer jer声既我就梗系叫个铁板先讲。食铁板梗系叫个杂扒餐配黑汁呢d标准配搭！跟住整多杯热奶茶。不过呢个铁板都系有餐汤+餐包，汤我就叫中汤，都系普通茶记例水级。无咩特别，不过就系青红萝卜。餐包就配牛油，轻轻整热，算系咁。到主菜到，自己淋上黑椒汁，个种jer jer声真系令人振奋，上面有猪扒鸡扒火腿肠仔，扒既份量对得住呢个价钱，肉质算好松软。不过就知道落得好多松肉粉，值得一赞反而系薯菜。薯条炸得脆口，唔算太多盐，d菜摆铁板并无烧焦同过熟，呢真系有d神奇。