意樂餐廳 (啟鑽苑)

营业中

休息中

自从启钻苑落成，有唔少餐厅进驻，我先知道原来意乐餐厅原来喺好多屋苑商场都插左旗，佢嘅早、午、晚餐都几抵食，外卖每分加一蚊。有时仲会有平价嘅雪冻外买饭盒卖，第日返工带饭非常方便。唯一一个唔满意嘅地方，系呢度嘅柠檬水系用柠檬汁加水，而唔系用新鲜柠檬片，冇得自己选择酸度，麻麻哋。爆牛牛角酥配田园沙律$36- 寿喜烧酱汁肥牛加上炒到入晒味嘅洋葱，非常惹味，同牛角酥牛油嘅香味亦都非常配合，推介！氹仔风味猪扒包配田园沙律$36- 相比起爆牛牛角酥，猪扒包偏干，千岛酱加上薄猪扒都几好味。香辣蕃茄烟鸭胸炒扁意粉$45- 呢个价钱有五、六块烟鸭胸都几抵食，酱汁真系偏辣，好刺激。不过食到最后碗底都比较多油，油腻咗少少。