影片
更多
2021-09-14
78 浏览
讲到香港人气韩式炸鸡店，都好难唔数呢间Sodam Chicken。本身一向都对放题任食质素抱怀疑既态度，但系网上见到海量好评，所以都犹豫左好一阵子先订台。如果直接跳总结既话，呢间Sodam Chicken性价比确令我喜出望外。.环境：餐厅系铜锣湾中心地段，系时代广场后面一座商业大厦。餐厅虽然唔大，但座位都算几阔落。餐厅硬件质素对得起个价钱有余。.价格：基本炸鸡任食套餐：成人💲128 (90分钟) ，小童只需要 💲68。包任食6款基本炸鸡+1款期间限定炸鸡。另外仲有4款PIZZA。再豪气少少，每位加多💲28可以试多7款唔同既焗鸡+ 1款期间限定焗鸡，仲有十数款既小食任拣。任食黎讲，叫个足料版连加一每位都唔超过💲180，其实系坊间随便去一间韩式炸鸡店随意叫两三款炸鸡都已经会比佢贵。.服务：地方唔算大但人手足够，上菜速度极快唔会浪费呢90分钟。.食物：讲完价钱其实最重要都系睇食物质素。款式太多，同朋友两个人连每款试一件都未可以做到，只能试下自己喜欢既款式。炸鸡焗鸡大同小异，主要分别系邪恶酱料。.炸鸡皮脆，炸粉唔算厚，即炸热腾腾上，咬开鸡肉嫩滑仲有肉汁。炸鸡焗鸡全部无骨，淡淡肉。呢到人流多流量
.
环境：
餐厅系铜锣湾中心地段，系时代广场后面一座商业大厦。餐厅虽然唔大，但座位都算几阔落。餐厅硬件质素对得起个价钱有余。
.
价格：
基本炸鸡任食套餐：成人💲128 (90分钟) ，小童只需要 💲68。包任食6款基本炸鸡+1款期间限定炸鸡。另外仲有4款PIZZA。再豪气少少，每位加多💲28可以试多7款唔同既焗鸡+ 1款期间限定焗鸡，仲有十数款既小食任拣。任食黎讲，叫个足料版连加一每位都唔超过💲180，其实系坊间随便去一间韩式炸鸡店随意叫两三款炸鸡都已经会比佢贵。
.
服务：
地方唔算大但人手足够，上菜速度极快唔会浪费呢90分钟。
.
食物：
讲完价钱其实最重要都系睇食物质素。款式太多，同朋友两个人连每款试一件都未可以做到，只能试下自己喜欢既款式。炸鸡焗鸡大同小异，主要分别系邪恶酱料。
.
炸鸡皮脆，炸粉唔算厚，即炸热腾腾上，咬开鸡肉嫩滑仲有肉汁。炸鸡焗鸡全部无骨，淡淡肉。呢到人流多流量快，新鲜程度一定有保证。
.
随意讲下几款较深印象款式：
1️⃣期间限定款色既暹罗花生烤鸡 - 花生酱好香，浓浓花生味
2️⃣香草青柠炸鸡 - 绝对系今晚既VIP，同朋友一致认为呢款最好食，个青柠汁酸酸甜甜解油腻
3️⃣柠檬柚子炸鸡 - 用左柚子酱，略觉偏甜但朋友大爱一次过点左4件慢慢食
4️⃣黄金咸蛋炸鸡 - 浓味邪恶之选一定唔少得咸蛋黄酱，好好食但佢邪恶既程度唔会够胆开怀畅食
5️⃣浓蒜炸鸡 - 蒜香味浓，岩我呢类钟意蒜既朋友
6️⃣冬荫公焗鸡 - 系焗鸡版本既期间限定款式，呢款个样相对地平凡好多无浓浓既汁垫底，冬荫公唔太出
.
另外仲有4款🍕Pizza🍕：千岛海鲜、热带风情、明虾水牛芝士同玛嘉丽塔皇后薄饼。相对炸鸡，PIZZA 水准无咁高因为始终唔系主打项目。还好佢一份只系一个细细件各一俾大家试下，两啖一件好快KO。
.
叫得太多炸鸡小食类别只能够浅尝一下，叫左韩式萝卜同韩式泡菜解腻，仲口痕试左佢既紫菜薯条。
.
套餐无包野饮，饮品买一送一，两杯都属于 King Size 绝对一杯都够饮到尾。叫左提子特饮，上面有支Appolo 三色雪条几得意。另外叫左士多啤梨沙冰，打卡系数高偏甜。
.
总结：承上文，以地段、服务、价格同食物质素来讲，性价都令人满意。
⭐️4/5
.
不专业食评 nei.foodie
柠檬柚子炸鸡
11 浏览
0 赞好
0 留言
黄金咸蛋炸鸡
6 浏览
0 赞好
0 留言
冬荫公焗鸡
9 浏览
0 赞好
0 留言
黄金咸蛋炸鸡
5 浏览
0 赞好
0 留言
暹罗花生烤鸡 & 香草青柠炸鸡
5 浏览
0 赞好
0 留言
张贴
