影片
更多
2024-09-03
95 浏览
最近👧🏻同朋友去咗铜锣湾一间新开嘅串烧店，串烧价钱相宜，最平只需要$10一串，食多几串都唔会觉得心痛🤪，重要质素唔错，值得一试！🌟鸡肉鸡肉类叫咗椒盐烧鸡皮串、椒盐鸡软骨、免治鸡肉棒（配日本蛋）三款。鸡皮超脆，脆到好似食紧炸鱼皮/薯片；鸡软骨软骨边略带脂肪，唔会太干。至于免治鸡肉棒嘅软骨手打得比较细粒，混入鸡肉内口感丰富。🌟猪肉猪肉类就叫咗味噌松阪猪、盐烧猪肋肉、盐烧荔枝卷、黑松露豚肉芦笋卷。味噌松阪猪涂满偏甜嘅味噌酱，口感同味道都似食紧新鲜猪肉干，👧🏻就几钟意！盐烧猪肋肉肉质爽弹，几有咬口，得朋友欢心。盐烧荔枝卷既荔枝多汁，配薄猪肉又甜又咸。🌟牛肉酱烧牛舌芯、盐烧和牛牛小排、黑松露金菇卷呢三款亦对得住价钱，牛舌芯柔软又弹牙；和牛牛小排富有油脂，牛肉味亦颇浓郁。黑松露金菇卷就用肥牛片包住金菇，黑松露酱味道层次丰富。🌟海鲜👧🏻同朋友成餐饭对油条酿墨鱼滑呢款串烧印象最深刻，用油炸条包住芝士同墨鱼胶，炸得香脆嘅油炸鬼配咸香拉丝嘅芝士同墨鱼胶，再点甜甜地嘅埋潮式柑桔酱🍊，系相当新鲜嘅组合！味淋鱼干烧得软身，点蛋黄酱就啱啱好！而蒜蓉菜圃烧广岛蚝就表现正常，蒜蓉菜圃辣辣地几惹味。🌟其他蜜糖烧芝士年糕
🌟鸡肉
鸡肉类叫咗椒盐烧鸡皮串、椒盐鸡软骨、免治鸡肉棒（配日本蛋）三款。鸡皮超脆，脆到好似食紧炸鱼皮/薯片；鸡软骨软骨边略带脂肪，唔会太干。至于免治鸡肉棒嘅软骨手打得比较细粒，混入鸡肉内口感丰富。
🌟猪肉
猪肉类就叫咗味噌松阪猪、盐烧猪肋肉、盐烧荔枝卷、黑松露豚肉芦笋卷。味噌松阪猪涂满偏甜嘅味噌酱，口感同味道都似食紧新鲜猪肉干，👧🏻就几钟意！盐烧猪肋肉肉质爽弹，几有咬口，得朋友欢心。盐烧荔枝卷既荔枝多汁，配薄猪肉又甜又咸。
🌟牛肉
酱烧牛舌芯、盐烧和牛牛小排、黑松露金菇卷呢三款亦对得住价钱，牛舌芯柔软又弹牙；和牛牛小排富有油脂，牛肉味亦颇浓郁。黑松露金菇卷就用肥牛片包住金菇，黑松露酱味道层次丰富。
🌟海鲜
👧🏻同朋友成餐饭对油条酿墨鱼滑呢款串烧印象最深刻，用油炸条包住芝士同墨鱼胶，炸得香脆嘅油炸鬼配咸香拉丝嘅芝士同墨鱼胶，再点甜甜地嘅埋潮式柑桔酱🍊，系相当新鲜嘅组合！
味淋鱼干烧得软身，点蛋黄酱就啱啱好！而蒜蓉菜圃烧广岛蚝就表现正常，蒜蓉菜圃辣辣地几惹味。
🌟其他
蜜糖烧芝士年糕一客两件，系平时食日式放题货色，配埋蜜糖🍯👧🏻就好钟意！另外港式蜜糖烧菠萝🍍嘅菠萝就超级鲜甜，完全冇渣，当饭后甜品一流！
🌟札幌生啤
Sapporo啤酒🍻$48买一送一，食串烧紧系要啤啤佢！
张贴
