炭火地雞 (已搬遷) 新店位置

最近同朋友仔食咗一间好高质嘅日本串烧店，位置喺铜锣湾闹市，座位空间仲好阔落，好适合同三五知己聚会倾偈，一定要介绍俾大家！呢间餐厅标榜串烧即叫即烧，而且用上日本备长炭作为燃料烹调，另外仲讲明用上嘉美鸡同埋空运食材，绝对冇得输。我同朋友仔今次叫咗好多嘢食，食到揽住个肚走。前菜方面我哋叫咗个薯仔沙律，沙律入口微酸，而且口感软滑超级开胃,配合埋流心绝对一绝。甘口嘉美鸡全翼用上炸既方法烹调，入口劲Juicy而且肉质好弹牙，配合刚刚好厚度带点甜味嘅粉浆，绝对系相得益彰，系必叫之选！味增松板猪食落劲香口，喺味增加持底下，令到猪肉食入口冇咁肥腻，而且猪肉嘅香味好岀，我同朋友都好推介。除咗肉类之外，蔬菜类嘅串烧都好有惊喜，我自己最钟意佢嘅牛油果卷！牛油果卷系用肉类包过住牛油果烹调，令到牛油果入口多咗一层肉嘅味道，牛油果果肉入口即溶，配合埋海苔真系劲好食！甜品方面，我哋叫咗焦糖番薯配雪糕，焦糖番薯烧到劲靓仔打卡一流！而且入口香甜，脆脆嘅焦糖配合香软嘅番薯，绝对位呢一餐画上一个完美嘅句号。