影片
更多
2019-05-23
738 浏览
好多人黎到都叫鸡煲，其实烤鱼仲好味。隔离枱见到我地条鱼，都即刻话下次黎要试烤鱼。BB辣已经好劲，各位美食家自己衡量辣度。上菜速度快，配料就真系落单几多上几多，唔会乱咁执，美食家们唔好嘥野呀。万家烤鱼，盘上已经煮熟，店家再即时淋上汤汁，全鱼一条，份量十足，肉质弹牙，跟盘上既配料有猪红、猪皮、芽菜，鱼骨好少啖啖肉，食晒鱼鱼后，直接用铁盘打边炉，个汤非常惹味，全程冇点过酱都够晒味，不过都有叫一个“奇味酱”试试看，个人觉得似豆瓣海皇酱。店家都有小食供应，其中一款系“尖椒皮蛋”，上菜卖相好好，冇红油伴碟，份量好足，略重口味，不过唔会太辣，怕辣朋友仔都可以试。依到仲有另外单售既火锅料，有“安格斯肥牛”，真心好食，牛味十足，脂肪比几好，食得出脂肪香味，薄切厚度恰好，快熟之外，又有口感，如果想食豪d，可以考虑下。仲有“广岛蚝”，都几肥美。“鱼肚”份量几多，要有心理准备，煮熟几淋，都有类似花胶口感。讲返任食果边既配料，“响铃”最劲，唔知边到攞货，质地好脆身，好食既，唔系普通野。“脆骨腩”都唔错，切成四四方方，去骨，有脂肪，几滑。另外，炸鱼皮、菇类、娃娃菜都有水准，吸收汤汁后非常重口味haha。豆腐件就普
好多人黎到都叫鸡煲，其实烤鱼仲好味。隔离枱见到我地条鱼，都即刻话下次黎要试烤鱼。BB辣已经好劲，各位美食家自己衡量辣度。上菜速度快，配料就真系落单几多上几多，唔会乱咁执，美食家们唔好嘥野呀。
万家烤鱼，盘上已经煮熟，店家再即时淋上汤汁，全鱼一条，份量十足，肉质弹牙，跟盘上既配料有猪红、猪皮、芽菜，鱼骨好少啖啖肉，食晒鱼鱼后，直接用铁盘打边炉，个汤非常惹味，全程冇点过酱都够晒味，不过都有叫一个“奇味酱”试试看，个人觉得似豆瓣海皇酱。
店家都有小食供应，其中一款系“尖椒皮蛋”，上菜卖相好好，冇红油伴碟，份量好足，略重口味，不过唔会太辣，怕辣朋友仔都可以试。
依到仲有另外单售既火锅料，有“安格斯肥牛”，真心好食，牛味十足，脂肪比几好，食得出脂肪香味，薄切厚度恰好，快熟之外，又有口感，如果想食豪d，可以考虑下。仲有“广岛蚝”，都几肥美。“鱼肚”份量几多，要有心理准备，煮熟几淋，都有类似花胶口感。
讲返任食果边既配料，“响铃”最劲，唔知边到攞货，质地好脆身，好食既，唔系普通野。“脆骨腩”都唔错，切成四四方方，去骨，有脂肪，几滑。另外，炸鱼皮、菇类、娃娃菜都有水准，吸收汤汁后非常重口味haha。豆腐件就普通左少少。
饮品有汽水纸包野，饭后重有得order雪米糍。
张贴
