銀龍粉麵茶餐廳 (已結業)

嚟到长假期嘅第一日,我同阿肥都决定全日留喺屋企好好休息,三步不出闰门,不停咁煲剧过渡上次去银龙茶餐厅堂食拎咗佢哋张外卖纸番嚟,今晚一于试下叫外卖。打完电话之后,等咗大约15-20分钟左右就有人噤门钟喇~都算几快㖞我就叫咗个大虾仁星洲炒贵刁($56蚊),再加一杯冻咖啡走甜($10蚊),唔知系咪心理作用,我觉得外卖嘅份量好似仲多过堂食咁,个食物盒好大,炒贵刁嘅份量都塞到满哂,对我嚟讲分两餐食都可以。由于佢送过嚟嘅时间唔算长,所以打开盒盖入面嘅食物温度都仲保持够热,贵刁炒得并唔干身,湿润度适中,星洲口味微辣带点咖哩的香气,里面仲有条状嘅碎叉烧肉同埋芽菜,大虾仁嘅份量亦都唔小。不过杯冻咖啡就失色咗小小,入口有啲涩同埋嚡...下次都系饮番热饮好似好味啲。阿肥又食银龙嘅福建炒饭($58蚊),睇嚟佢真系觉得劲好味,差唔多十次帮衬银龙有八次都系食佢。另外阿肥仲叫咗碗罗宋汤($18蚊),原来汤品都可以单买,不过$18蚊一碗对我嚟讲就好似贵咗小小,不过见阿肥都捞到几多汤渣上嚟,又有西芹又有红萝卜又有牛肉咁,都有啲料到,不过眼见就略嫌油咗啲啲。