牛極 (雅怡居)

营业中

休息中

长沙湾日式石烧烤肉平时经过牛极嘅分店都好多人，今日约咗朋友食晏昼，一齐试吓呢间朋友推介嘅餐厅。餐厅主力做食少烤肉，大部份都系自助服务，例汤白饭沙律一律任食任装，最贴心嘅就系有围裙俾防止油烟唔会弹到啲衫一达达。落单用自动售卖机，即刻谂起去日本食拉面时候嘅回忆，我哋一行两人叫咗和牛石赤身烧，同埋牛肩排。石烧板温度好高，咁啱朋友同我都好钟意食石烧，两款牛肉各有千秋，赤身肉质方面肥瘦适中，牛肩就抵食夹大件。值得一赞嘅就系两款肉唔系好多筋，放上石烧板之后好快就热辣辣食得。最正嘅就系酱汁：生蒜、烧汁、辣椒汁，夹埋热辣辣嘅牛肉好快已经K.O.咗两碗饭，一定要饮埋佢哋用牛肉所熬制嘅餐汤。