瘋鳥 (已結業)

顺宁道出名系车房街，但中间又夹杂咗唔少文青咖啡店，反差萌，感觉几得意。今次，我就约咗朋友去一间名为疯鸟嘅Cafe~好开心，一倾计就知大家啱咀形😌一定要再约！言归正传，呢度堂食位约20个，地方唔大，但弥漫浓浓嘅森林气息，枯枝、鸟笼、实木家俱，一坐底就有种好Chill嘅感觉～😌因为下午茶关系，简单点咗牛肝野菌汁杂菌意大利、 杂果麻薯窝夫、芒果橙沙冰及洋金菊茶。牛肝野菌汁杂菌意大利粉🍄呢个纯素意粉充满罗勒香，感觉好清新，杂菌好多，份量足。整体正常发挥。杂果麻薯窝夫🧇呢个一般般，杂果酸甜，同甜嘅忌廉撞埋，应觉唔会死甜。不过窝夫偏干，质感有啲硬，唔算好推荐。芒果橙沙冰🍹呢个超正！沙冰入面满满嘅芒果蓉及橙蓉，好fresh，解暑一流～！同埋唔算好甜，饮完都无罪恶感。洋金菊茶🍵正常发挥，不过不失，不过个壶几复古，几igable！P. S. 整体嚟讲，疯鸟比我感觉系放松好地方。至于食物，无论味道及造都属于正常水平，唔会话好惊艳嘅感觉。